الماتىدا العاش رەت ەلەكترساموكاتتاردى ورنالاستىرۋدىڭ بٸرىڭعاي ەرەجەسٸ ەنگٸزٸلەدٸ, دەپ حابارلايدى dalanews.kz.
الماتىدا جول قوزعالىسىن ۇيىمداستىرۋدىڭ جاڭارتىلعان ەرەجەسٸ ەزٸرلەندٸ. جوبانى مەسليحات وتىرىسىندا جول قوزعالىسىن ۇيىمداستىرۋ جەنە جولاۋشىلار كٶلٸگٸ باسقارماسىنىڭ باسشىسى ەرجان ديحانباەۆ تانىستىردى.
جوباعا سەيكەس ەلەكترساموكاتتار, موپەدتەر جەنە ٶزگە دە قۇرالدارعا ارنالعان تۇراق ورىندارىن ورنالاستىرۋدىڭ بٸرىڭعاي تالاپتارى بەلگٸلەنەدٸ. جالعا بەرۋ قىزمەتٸن كٶرسەتەتٸن وپەراتورلار ٷشٸن تۇراق ورىندارى شارت نەگٸزٸندە ۇيىمداستىرىلىپ, بۇل قالا اۋماعىندا كٶلٸكتٸ رەتٸمەن ورنالاستىرۋعا مٷمكٸندٸك بەرەدٸ. سونىمەن قاتار, تۇرعىندار وسى تۇراق ايماقتارىن ٶزدەرٸنٸڭ جەكە ساموكاتتارى مەن باسقا دا قۇرالدارىن ورنالاستىرۋ ٷشٸن تەگٸن پايدالانا الادى.
بۇعان قوسا, قۇجاتتا كٶلٸكتٸ ەۆاكۋاتسييالاۋ جەنە ارنايى تۇراقتاردا ساقتاۋ تەرتٸبٸ, سونداي-اق, اۋلالاردا شلاگباۋمدار مەن قورعانىش قورشاۋلارىن ورناتۋدىڭ بٸرىڭعاي تالاپتارى ايقىندالعان. بۇل رەتتە جەدەل جەردەم, ٶرت سٶندٸرۋ جەنە باسقا دا جەدەل قىزمەت كٶلٸكتەرٸنٸڭ كەدەرگٸسٸز جٷرۋٸ مٸندەتتٸ تالاپ رەتٸندە ساقتالادى.
باسقارما ٶكٸلدەرٸنٸڭ ايتۋىنشا, بۇل جوبانى قابىلداۋ جول قوزعالىسىن ۇيىمداستىرۋدىڭ زاماناۋي جٷيەسٸن قالىپتاستىرۋعا, قالالىق ينفراقۇرىلىمدى تيٸمدٸ پايدالانۋعا جەنە كٶلٸكتٸڭ جاڭا تٷرلەرٸن رەتتەۋدٸڭ بٸرىڭعاي تەسٸلٸن ەنگٸزۋگە مٷمكٸندٸك بەرەدٸ.
