Áleýmettik jelilerge júrgizilgen monitoring barysynda politsiia quqyqqa qaishy kontentti anyqtap, shara qabyldady, dep habarlaidy dalanews.kz.
Internet keńistigine júrgizilgen monitoring barysynda politsiia qyzmetkerleri avtory Qazaqstan Respýblikasynyń zańnamasyna jáne qoǵamda qalyptasqan jalpyǵa ortaq moraldyq-adamgershilik qundylyqtarǵa qaishy ómir saltyn ashyq túrde nasihattaǵan jariialanymdardy anyqtady.
Avtordyń jeke basy anyqtaldy. Oǵan quqyqqa qaishy kontent ornalastyrǵany úshin Qazaqstan Respýblikasynyń Ákimshilik quqyq buzýshylyq týraly kodeksiniń 456-2-babynyń 3-1-bóligi boiynsha ákimshilik quqyq buzýshylyq týraly hattama toltyryldy. Profilaktikalyq áńgimelesý júrgizilgennen keiin azamat áleýmettik jelidegi paraqshasynan jariialanǵan materialdardy óz erkimen óshirdi.
Almaty politsiiasy áleýmettik jeliler qoǵamdyq aqparattyq keńistikekenin eske salady. Zań talaptaryna jáne qoǵamda qalyptasqan jalpyǵa ortaq moraldyq-etikalyq normalarǵa qaishy minez-qulyq úlgilerin nasihattaityn, otbasy institýtyna degen qurmetti tómendetetin kontentti taratý zańda kózdelgen jaýapkershilikke ákep soǵady. Mundai tásil zań talaptaryn saqtaý, qoǵamdyq múddelerdi qorǵaý jáne tsifrlyq ortadaǵy quqyq buzýshylyqtardyń aldyn alý arasyndaǵy tepe-teńdikti qamtamasyz etýge múmkindik beredi.
