Almaty oblysynyń Qarasai aýdanynda esirtki óndirýge arnalǵan jasyryn zerthana áshkerelendi, dep habarlaidy dalanews.kz.
Tergeý málimetinshe, 29 jastaǵy er adam zerthana uiymdastyrý maqsatynda jeke úi satyp alǵan. Ol qajetti himiialyq zattar men arnaiy qural-jabdyqtardy internet arqyly aldyryp otyrǵan.
Tintý kezinde politsiia qyzmetkerleri 28 keli daiyn alfa-PVP esirtkisin, 880 litr himiialyq prekýrsorlardy jáne esirtki daiyndaýǵa arnalǵan zerthanalyq jabdyqtardy tárkiledi.
Mamandardyń esebine sáikes, alynǵan sintetikalyq esirtki kólemi shamamen 125 myń rettik dozaǵa teń.
Atalǵan derek boiynsha qylmystyq is qozǵalyp, sotqa deiingi tergeý bastaldy.
