Almaty oblysynda politsiia qyzmetkerleriniń josparly oqý-jattyǵýy kezinde qol granatasy merziminen buryn jarylǵan, dep habarlaidy dalanews.kz.
Almaty qalalyq Politsiia departamenti málimetinshe, oqiǵa bolǵan sátte jaqyn mańda júrgen birneshe qyzmetker jaraqat alǵan. Olarǵa der kezinde meditsinalyq kómek kórsetilgen. Qazir qyzmettik tekseris júrgizilip jatyr.
Vedomstvo áleýmettik jelide taraǵan "kóp jarylys bolǵany jáne qyzmetkerler aýyr jaǵdaida jatqany" týraly aqparatty joqqa shyǵardy. Politsiia turǵyndardy rastalmaǵan málimetti taratpaýǵa shaqyryp, jalǵan aqparat úshin jaýapkershilik qarastyrylǵanyn eske saldy.
Aita keteiik, buǵan deiin jelide "15 adam dene jaraqatyn alǵany, olar Qonaev qalalyq aýrýhanasyna jetkizilgeni" týraly aqparat taraǵan edi.
