«Almaty Business – 2025» kásipkerlikti damytýdyń óńirlik baǵdarlamasy aiasynda «Almaty» ÁKK-niń enshiles kompaniiasy – «Almaty Finance» JShS men «Almaty» MQU JShS arqyly 36,3 mlrd teńgege 656 joba qarjylandyryldy, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Isin jańa bastaǵan jáne jumys istep turǵan shaǵyn jáne orta kásiporyndarǵa biznesti bastaýǵa nemese damytýǵa 7 jylǵa deiingi merzimge jyldyq 2% jáne 6% jeńildikti mólsherlememen qaryzdar berildi.
Ónerkásiptik, innovatsiialyq, eksportqa baǵdarlanǵan jobalar, kreativti indýstriia, shaǵyn ónerkásiptik parkter, sondai-aq Almatynyń arnaiy ekonomikalyq jáne indýstrialdy aimaqtarynyń aýmaǵynda iske asyrylatyn jobalarǵa basymdyq berilgen.
Osy jyldyń birinshi jartyjyldyǵynyń qorytyndysy boiynsha Almaty Finance jáne «Almaty» MQU qala boiynsha 4,5 mlrd teńge somaǵa 55 jobany qarjylandyrylyp, 348 jumys ornyn (690 jumys orny) qurý kózdelgen.
Shaǵyn ónerkásip parkteriniń qurylysyn qarjylandyrýmen qatar, biznesti damytýǵa arnalǵan qaryzdardy óndiris jáne qaita óńdeý, densaýlyq saqtaý, bilim berý, sondai-aq áleýmettik kásipkerlik, kreativti ekonomika jáne týrizm salalaryndaǵy jobalardy iske asyratyn kásipkerler aldy. Sondai-aq, sport jáne halyqqa qyzmet kórsetý salasyndaǵy jobalar da qarjylandyrylatynyn aita ketýimiz kerek.
Kásipkerlikti damytý baǵdarlamasynyń qoldanylý kezeńinde 2019 jyldan bastap 2024 jyldyń birinshi jartyjyldyǵyna deiin 36,3 mlrd teńge somasyna 656 joba qarjylandyryldy, 2 716 jumys orny qurylǵan.
Kásipkerlerdi qoldaýǵa bólingen biýdjetten 25,3 mlrd teńge qaitarymdy-revolverlik qarajatty paidalaný esebinen 36,3 mlrd teńge somasyna qarjylandyrýdy qamtamasyz etýge múmkindik berdi.
Jyl sońyna deiin «Almaty» ÁKK Almaty Finance jáne «Almaty» MQU arqyly Almaty Business – 2025 aiasynda qarjylandyrýdyń jalpy kólemin 42 mlrd teńgege deiin jetkizip, keminde 5 mlrd teńge somanyń jobalaryn qosymsha qoldaýdy josparlanýda.
