«Almaty Business – 2025» كاسىپكەرلىكتى دامىتۋدىڭ وڭىرلىك باعدارلاماسى اياسىندا «الماتى» اكك-نىڭ ەنشىلەس كومپانياسى – «Almaty Finance» ج ش س مەن «Almaty» مقۇ ج ش س ارقىلى 36،3 ملرد تەڭگەگە 656 جوبا قارجىلاندىرىلدى، – دەپ حابارلايدى Dalanews.kz الماتى قالاسى اكىمىنىڭ باسپا ءسوز قىزمەتىنە سىلتەمە جاساپ.
ءىسىن جاڭا باستاعان جانە جۇمىس ىستەپ تۇرعان شاعىن جانە ورتا كاسىپورىندارعا بيزنەستى باستاۋعا نەمەسە دامىتۋعا 7 جىلعا دەيىنگى مەرزىمگە جىلدىق 2% جانە 6% جەڭىلدىكتى مولشەرلەمەمەن قارىزدار بەرىلدى.
ونەركاسىپتىك، يننوۆاسيالىق، ەكسپورتقا باعدارلانعان جوبالار، كرەاتيۆتى يندۋستريا، شاعىن ونەركاسىپتىك پاركتەر، سونداي-اق الماتىنىڭ ارنايى ەكونوميكالىق جانە يندۋستريالدى ايماقتارىنىڭ اۋماعىندا ىسكە اسىرىلاتىن جوبالارعا باسىمدىق بەرىلگەن.
وسى جىلدىڭ ءبىرىنشى جارتىجىلدىعىنىڭ قورىتىندىسى بويىنشا Almaty Finance جانە «Almaty» مقۇ قالا بويىنشا 4،5 ملرد تەڭگە سوماعا 55 جوبانى قارجىلاندىرىلىپ، 348 جۇمىس ورنىن (690 جۇمىس ورنى) قۇرۋ كوزدەلگەن.
شاعىن ونەركاسىپ پاركتەرىنىڭ قۇرىلىسىن قارجىلاندىرۋمەن قاتار، بيزنەستى دامىتۋعا ارنالعان قارىزداردى ءوندىرىس جانە قايتا وڭدەۋ، دەنساۋلىق ساقتاۋ، ءبىلىم بەرۋ، سونداي-اق الەۋمەتتىك كاسىپكەرلىك، كرەاتيۆتى ەكونوميكا جانە تۋريزم سالالارىنداعى جوبالاردى ىسكە اسىراتىن كاسىپكەرلەر الدى. سونداي-اق، سپورت جانە حالىققا قىزمەت كورسەتۋ سالاسىنداعى جوبالار دا قارجىلاندىرىلاتىنىن ايتا كەتۋىمىز كەرەك.
كاسىپكەرلىكتى دامىتۋ باعدارلاماسىنىڭ قولدانىلۋ كەزەڭىندە 2019 جىلدان باستاپ 2024 جىلدىڭ ءبىرىنشى جارتىجىلدىعىنا دەيىن 36،3 ملرد تەڭگە سوماسىنا 656 جوبا قارجىلاندىرىلدى، 2 716 جۇمىس ورنى قۇرىلعان.
كاسىپكەرلەردى قولداۋعا بولىنگەن بيۋدجەتتەن 25،3 ملرد تەڭگە قايتارىمدى-ريەۆولۆەرلىك قاراجاتتى پايدالانۋ ەسەبىنەن 36،3 ملرد تەڭگە سوماسىنا قارجىلاندىرۋدى قامتاماسىز ەتۋگە مۇمكىندىك بەردى.
جىل سوڭىنا دەيىن «الماتى» اكك Almaty Finance جانە «Almaty» مقۇ ارقىلى Almaty Business – 2025 اياسىندا قارجىلاندىرۋدىڭ جالپى كولەمىن 42 ملرد تەڭگەگە دەيىن جەتكىزىپ، كەمىندە 5 ملرد تەڭگە سومانىڭ جوبالارىن قوسىمشا قولداۋدى جوسپارلانۋدا.
