«Almaty Business – 2025» кәсіпкерлікті дамытудың өңірлік бағдарламасы аясында «Алматы» ӘКК-нің еншілес компаниясы – «Almaty Finance» ЖШС мен «Almaty» МҚҰ ЖШС арқылы 36,3 млрд теңгеге 656 жоба қаржыландырылды, – деп хабарлайды Dalanews.kz Алматы қаласы әкімінің баспасөз қызметіне сілтеме жасап.

Ісін жаңа бастаған және жұмыс істеп тұрған шағын және орта кәсіпорындарға бизнесті бастауға немесе дамытуға 7 жылға дейінгі мерзімге жылдық 2% және 6% жеңілдікті мөлшерлемемен қарыздар берілді.

Өнеркәсіптік, инновациялық, экспортқа бағдарланған жобалар, креативті индустрия, шағын өнеркәсіптік парктер, сондай-ақ Алматының арнайы экономикалық және индустриалды аймақтарының аумағында іске асырылатын жобаларға басымдық берілген.

Осы жылдың бірінші жартыжылдығының қорытындысы бойынша Almaty Finance және «Almaty» МҚҰ қала бойынша 4,5 млрд теңге сомаға 55 жобаны қаржыландырылып, 348 жұмыс орнын (690 жұмыс орны) құру көзделген.

Шағын өнеркәсіп парктерінің құрылысын қаржыландырумен қатар, бизнесті дамытуға арналған қарыздарды өндіріс және қайта өңдеу, денсаулық сақтау, білім беру, сондай-ақ әлеуметтік кәсіпкерлік, креативті экономика және туризм салаларындағы жобаларды іске асыратын кәсіпкерлер алды. Сондай-ақ, спорт және халыққа қызмет көрсету саласындағы жобалар да қаржыландырылатынын айта кетуіміз керек.

Кәсіпкерлікті дамыту бағдарламасының қолданылу кезеңінде 2019 жылдан бастап 2024 жылдың бірінші жартыжылдығына дейін 36,3 млрд теңге сомасына 656 жоба қаржыландырылды, 2 716 жұмыс орны құрылған.

Кәсіпкерлерді қолдауға бөлінген бюджеттен 25,3 млрд теңге қайтарымды-револьверлік қаражатты пайдалану есебінен 36,3 млрд теңге сомасына қаржыландыруды қамтамасыз етуге мүмкіндік берді.

Жыл соңына дейін «Алматы» ӘКК Almaty Finance және «Almaty» МҚҰ арқылы Almaty Business – 2025 аясында қаржыландырудың жалпы көлемін 42 млрд теңгеге дейін жеткізіп, кемінде 5 млрд теңге соманың жобаларын қосымша қолдауды жоспарлануда.