Almatyda josparly antiterroristik oqý-jattyǵýlar ótkiziledi,- dep habarlaidy Dalanews.kz
Almaty qalasy politsiia departamentiniń málimetinshe, 18-20 tamyz aralyǵynda túngi ýaqytta Mega Almaty aýmaǵynda (Rozybakiev kóshesi, 247a), «MOSKVA Metropolitan» aýmaǵynda (8-shaǵynaýdan, 37/1) jáne arnaiy HQKO-da (Saialy shaǵynaýdany, Aq-Qainar kóshesi, 1) josparly antiterroristik oqý-jattyǵýlar ótkiziledi.
- Oqý-jattyǵýlar adamdar kóp jinalatyn oryndarda terrorizm aktileriniń jolyn kesý mehanizmin jetildirýge baǵyttalǵan. Qaýipsizdik sharalaryn saqtap, memlekettik organ qyzmetkerleriniń zańdy talaptaryn oryndaýlaryńyzdy suraimyz. Sondai-aq, tek resmi aqparat kózderine súienip, jalǵan aqparat taratpaý qajet ekendigin eskertemiz, - dep habarlady politsiiadan.
Sonymen qatar tártip saqshylary QR «Ákimshilik quqyq buzýshylyq» kodeksiniń 443-babyna sáikes, qoǵamdyq tártipti qamtamasyz etýge qatysatyn tulǵanyń zańdy talabyna baǵynbaý ákimshilik jaýapkershilikke ákep soǵatynyn eskertti.
