الماتىدا جوسپارلى انتيتەرروريستىك وقۋ-جاتتىعۋلار وتكىزىلەدى،- دەپ حابارلايدى Dalanews.kz
الماتى قالاسى پوليسيا دەپارتامەنتىنىڭ مالىمەتىنشە، 18-20 تامىز ارالىعىندا تۇنگى ۋاقىتتا Mega Almaty اۋماعىندا (روزىباكييەۆ كوشەسى، 247ا)، «MOSKVA Metropolitan» اۋماعىندا (8-شاعىناۋدان، 37/1) جانە ارنايى حقكو-دا (سايالى شاعىناۋدانى، اق-قاينار كوشەسى، 1) جوسپارلى انتيتەرروريستىك وقۋ-جاتتىعۋلار وتكىزىلەدى.
- وقۋ-جاتتىعۋلار ادامدار كوپ جينالاتىن ورىنداردا تەرروريزم اكتىلەرىنىڭ جولىن كەسۋ مەحانيزمىن جەتىلدىرۋگە باعىتتالعان. قاۋىپسىزدىك شارالارىن ساقتاپ، مەملەكەتتىك ورگان قىزمەتكەرلەرىنىڭ زاڭدى تالاپتارىن ورىنداۋلارىڭىزدى سۇرايمىز. سونداي-اق، تەك رەسمي اقپارات كوزدەرىنە سۇيەنىپ، جالعان اقپارات تاراتپاۋ قاجەت ەكەندىگىن ەسكەرتەمىز، - دەپ حابارلادى پوليسيادان.
سونىمەن قاتار ءتارتىپ ساقشىلارى ق ر «اكىمشىلىك قۇقىق بۇزۋشىلىق» كودەكسىنىڭ 443-بابىنا سايكەس، قوعامدىق ءتارتىپتى قامتاماسىز ەتۋگە قاتىساتىن تۇلعانىڭ زاڭدى تالابىنا باعىنباۋ اكىمشىلىك جاۋاپكەرشىلىككە اكەپ سوعاتىنىن ەسكەرتتى.
