Almatynyń eks-ákimi Baýyrjan Baibektiń qaida júrgeni belgili boldy, dep habarlaidy Dalanews.kz.
Instagram-daǵy málimet boiynsha, Baýyrjan Baibek Japoniiada júr.
Eske salaiyq, buǵan deiin Baýyrjan Baibektiń ústinen sotqa aryz túskeni týraly habarlaǵan edik.
Bul týraly zańger, «STOP zastroike» qozǵalysynyń múshesi Murat Qasenov aitty.
Qasenovtiń sózinshe, ol aryzdy 2021 jyly jazǵan.
«Departament qarastyramyz degendei boldy. Sebebi olar qadaǵalaýshy organsyz qarastyra almaidy ǵoi. Al Almatynyń prokýratýrasy qarastyrýdan bas tartty. Sondyqtan Baibekke qatysty aryzymdy qaitadan daiyndaimyn. Sebebi 2016 jyly salynǵan jobalarǵa qatysty aitarlyqtai zań buzýshylyqtar bar. Sondyqtan ol úshin jaýap bolýy kerek. Adamdy jumystan qýyp qutyla salmaý kerek, jaýapkershilik bolýy qajet. Jalpy qai ákimniń bolmasyn jumysyna keshendi tekseris júrgizý durys dep esepteimin. Barlyq parametr boiynsha tekserý kerek, bári durys bolsa ary kóterile beredi. Eger qylmystyq jaýapqa tartatyndai bolsa qylmystyq is qozǵaý kerek. Sol kezde tártip bolýy múmkkin. Al bylaisha ár ákim kelip, bilgenin istep, ol ketse de ary qarai jalǵasa beredi. Saldaryn qarapaiym halyq kóredi», - deidi Qasenov «Elmediaǵa».
