الماتىنىڭ ەكس-اكىمى باۋىرجان بايبەكتىڭ قايدا جۇرگەنى بەلگىلى بولدى، دەپ حابارلايدى Dalanews.kz.

Instagram-داعى مالىمەت بويىنشا، باۋىرجان بايبەك جاپونيادا ءجۇر. 

ەسكە سالايىق، بۇعان دەيىن باۋىرجان بايبەكتىڭ ۇستىنەن سوتقا ارىز تۇسكەنى تۋرالى حابارلاعان ەدىك. 

بۇل تۋرالى زاڭگەر، «STOP زاسترويكە» قوزعالىسىنىڭ مۇشەسى  مۇرات قاسەنوۆ ايتتى.

قاسەنوۆتىڭ سوزىنشە، ول ارىزدى 2021 جىلى جازعان.

«دەپارتامەنت قاراستىرامىز دەگەندەي بولدى. سەبەبى ولار قاداعالاۋشى ورگانسىز قاراستىرا المايدى عوي. ال الماتىنىڭ پروكۋراتۋراسى قاراستىرۋدان باس تارتتى. سوندىقتان بايبەككە قاتىستى ارىزىمدى قايتادان دايىندايمىن. سەبەبى 2016 جىلى سالىنعان جوبالارعا قاتىستى ايتارلىقتاي زاڭ بۇزۋشىلىقتار بار. سوندىقتان ول ءۇشىن جاۋاپ بولۋى كەرەك. ادامدى جۇمىستان قۋىپ قۇتىلا سالماۋ كەرەك، جاۋاپكەرشىلىك بولۋى قاجەت. جالپى قاي اكىمنىڭ بولماسىن جۇمىسىنا كەشەندى تەكسەرىس جۇرگىزۋ دۇرىس دەپ ەسەپتەيمىن. بارلىق پارامەتر بويىنشا تەكسەرۋ كەرەك، ءبارى دۇرىس بولسا ارى كوتەرىلە بەرەدى. ەگەر قىلمىستىق جاۋاپقا تارتاتىنداي بولسا قىلمىستىق ءىس قوزعاۋ كەرەك. سول كەزدە ءتارتىپ بولۋى مۇمككىن. ال بىلايشا ءار اكىم كەلىپ، بىلگەنىن ىستەپ، ول كەتسە دە ارى قاراي جالعاسا بەرەدى. سالدارىن قاراپايىم حالىق كورەدى»، - دەيدى قاسەنوۆ «ەلمەدياعا».