Alataý aýdanynda áleýmettik infraqurylym belsendi túrde damyp keledi. Bul týraly qala ákimi Erbolat Dosaev aýdan turǵyndarymen kezdesý barysynda aitty,– dep habarlaidy Dalanews.kz
Aýdandaǵy oqýshy oryndarynyń tapshylyǵy – 6,1 myń oryn. Bul máseleni sheshý maqsatynda ótken jyly jergilikti biýdjet esebinen «Saialy-2» shaǵynaýdanynda 550 oryndyq jańa mektep salyndy. Sondai-aq «Zerdeli» shaǵynaýdanynda taǵy bir 550 oryndyq mekteptiń qurylysy júrip jatyr.
Sonymen qatar, «Jaily mektep» ulttyq jobasy aiasynda Alataý aýdanynda jalpy syiymdylyǵy 12,7 myń oqýshyny qamtityn 7 mekteptiń qurylysy júrip jatyr. Jańa oqý jylynda Terekti, Samǵaý, Qarasý jáne Aqbulaq shaǵynaýdandarynda bes mektep ashý josparlanǵan.
Al «Alǵabas» jáne «Ǵajaiyp» shaǵynaýdandaryndaǵy eki mekteptiń qurylysy 2025 jyldyń sońyna deiin aiaqtalmaq.
Aita keteiik, Almatyda «Jaily mektep» ulttyq jobasy aiasynda 34,8 myń jańa oqýshy orny ashylady dep josparlanǵan.
Sonymen qatar, qoldanystaǵy mektepterdiń syiymdylyǵyn arttyrý maqsatynda №195, 174, 35, 112, 99 jáne 73 mektepterge qosymsha ǵimarattar salynyp jatyr. Bul 1 755 qosymsha oqýshy ornyn ashýǵa múmkindik beredi.
Sondai-aq 11 bilim berý mekemesinde qaita jańǵyrtý jáne seismokúsheitý jumystary júrgizilip jatyr. Olar: №33 litsei, №161 litsei, №191, №58, №189, №50, №160 mektepter, №59 mekteptiń filialy, sondai-aq, №73, №30 jáne №60 gimnaziialar.
