Almatyda avtokólikterdiń shyǵaryndylary ekologiialyq talaptarǵa sai kele me degen tekseris júrgizildi, dep habarlaidy Dalanews.kz.
Bul týraly qala ákimdiginiń baspasóz qyzmeti habarlady. Ekologiia jáne qorshaǵan orta basqarmasynyń málimetinshe, megapolistegi ziiandy shyǵaryndylardyń 60 paiyzyna deiin avtokólikterden taraidy. Aýany qorǵaý jospary aiasynda ekologtar jol-patrýldik politsiiamen birlesip reidter ótkizip jatyr.
«Eco Almaty» JShS-niń jyljymaly zerthanalary kóliktiń shyǵaryndylaryn sol jerde-aq ólsheidi. 2025 jyly Eco Almaty jáne «Renessans pliýs» kompaniiasynyń mamandary 186 myńnan asa ólsheý júrgizip, 20 myńǵa jýyq hattama toltyrǵan. Aiyppuldardyń jalpy somasy 653 mln teńgeden asqan», - dep habarlady ákimdik.
Sonymen qatar, kómir siiaqty qatty otyn paidalanatyn shashlyqhanalar men monshalar da tekserilip jatyr.
Ákimdik Almatyda «Qala aýmaǵynda atmosferalyq aýany qorǵaý salasynda arnaiy ekologiialyq talaptardy engizý týraly» jańa erejeler jobasy ázirlengenin eske saldy. Qujat turǵyndar men bizneske ekologiiaǵa ziiany tómen tehnologiialarǵa kóshýge jáne kólik parkin jańartýǵa quqyqtyq negiz qalyptastyrady.
Ereje qabyldanǵannan keiin keshendi nátijeler kútiledi.
«Basty lastaýshy kólik parki naqty ekologiialyq baqylaýǵa alynady. Buǵan buǵan deiin is júzinde rettelmegen III sanattaǵy kásiporyndar da kiredi - olar ekologiialyq talaptardy saqtaý jáne tekserýden ótýge mindetti bolady», - dedi ákimdik.
Sondai-aq qalada aýanyń jai-kúiin baqylaityn biryńǵai monitoring júiesi qurylady. Bul júie jaǵdaidy jedel basqarýǵa múmkindik berip, málimetterdi turǵyndar úshin ashyq etedi. Budan bólek, qalada LEZ-aimaqtar paida bolady - munda kólik qozǵalysyna qatysty ekologiialyq talaptar qatańdatylyp, shyǵaryndylardyń azaiýyna jáne qala ekologiiasynyń jaqsarýyna yqpal etedi.
