الماتىدا اۆتوكٶلٸكتەردٸڭ شىعارىندىلارى ەكولوگييالىق تالاپتارعا ساي كەلە مە دەگەن تەكسەرٸس جٷرگٸزٸلدٸ, دەپ حابارلايدى Dalanews.kz.
بۇل تۋرالى قالا ەكٸمدٸگٸنٸڭ باسپاسٶز قىزمەتٸ حابارلادى. ەكولوگييا جەنە قورشاعان ورتا باسقارماسىنىڭ مەلٸمەتٸنشە, مەگاپوليستەگٸ زيياندى شىعارىندىلاردىڭ 60 پايىزىنا دەيٸن اۆتوكٶلٸكتەردەن تارايدى. اۋانى قورعاۋ جوسپارى اياسىندا ەكولوگتار جول-پاترۋلدٸك پوليتسييامەن بٸرلەسٸپ رەيدتەر ٶتكٸزٸپ جاتىر.
«Eco Almaty» جشس-نٸڭ جىلجىمالى زەرتحانالارى كٶلٸكتٸڭ شىعارىندىلارىن سول جەردە-اق ٶلشەيدٸ. 2025 جىلى Eco Almaty جەنە «رەنەسسانس پليۋس» كومپانيياسىنىڭ ماماندارى 186 مىڭنان اسا ٶلشەۋ جٷرگٸزٸپ, 20 مىڭعا جۋىق حاتتاما تولتىرعان. ايىپپۇلداردىڭ جالپى سوماسى 653 ملن تەڭگەدەن اسقان», - دەپ حابارلادى ەكٸمدٸك.
سونىمەن قاتار, كٶمٸر سيياقتى قاتتى وتىن پايدالاناتىن شاشلىقحانالار مەن مونشالار دا تەكسەرٸلٸپ جاتىر.
ەكٸمدٸك الماتىدا «قالا اۋماعىندا اتموسفەرالىق اۋانى قورعاۋ سالاسىندا ارنايى ەكولوگييالىق تالاپتاردى ەنگٸزۋ تۋرالى» جاڭا ەرەجەلەر جوباسى ەزٸرلەنگەنٸن ەسكە سالدى. قۇجات تۇرعىندار مەن بيزنەسكە ەكولوگيياعا زييانى تٶمەن تەحنولوگييالارعا كٶشۋگە جەنە كٶلٸك پاركٸن جاڭارتۋعا قۇقىقتىق نەگٸز قالىپتاستىرادى.
ەرەجە قابىلدانعاننان كەيٸن كەشەندٸ نەتيجەلەر كٷتٸلەدٸ.
«باستى لاستاۋشى كٶلٸك پاركٸ ناقتى ەكولوگييالىق باقىلاۋعا الىنادى. بۇعان بۇعان دەيٸن ٸس جٷزٸندە رەتتەلمەگەن III ساناتتاعى كەسٸپورىندار دا كٸرەدٸ - ولار ەكولوگييالىق تالاپتاردى ساقتاۋ جەنە تەكسەرۋدەن ٶتۋگە مٸندەتتٸ بولادى», - دەدٸ ەكٸمدٸك.
سونداي-اق قالادا اۋانىڭ جاي-كٷيٸن باقىلايتىن بٸرىڭعاي مونيتورينگ جٷيەسٸ قۇرىلادى. بۇل جٷيە جاعدايدى جەدەل باسقارۋعا مٷمكٸندٸك بەرٸپ, مەلٸمەتتەردٸ تۇرعىندار ٷشٸن اشىق ەتەدٸ. بۇدان بٶلەك, قالادا LEZ-ايماقتار پايدا بولادى - مۇندا كٶلٸك قوزعالىسىنا قاتىستى ەكولوگييالىق تالاپتار قاتاڭداتىلىپ, شىعارىندىلاردىڭ ازايۋىنا جەنە قالا ەكولوگيياسىنىڭ جاقسارۋىنا ىقپال ەتەدٸ.
