Almatyda №104 baǵyttaǵy avtobýstan túsý sátinde jolaýshy áiel aýyr jaraqat aldy, dep habarlaidy Dalanews.kz.
Oqiǵa 21 jeltoqsanda ADEM saýda ortalyǵynyń mańyndaǵy aialdamada bolǵan. Aldyn ala málimetke sáikes, avtobýs júrgizýshisi jolaýshy tolyq túspei jatyp qozǵalysty bastap ketken.
Zardap shekken Ainur Merkýlova №7 qalalyq aýrýhanaǵa jetkizilgen. Qazir ol qozǵala almai jatyr, alda ota jasalýy tiis. Áieldiń aitýynsha, quqyq qorǵaý organdaryna joldaǵan aryz-shaǵymdaryna ázirge jaýap berilmegen.
Osyǵan bailanysty ol videoúndeý jariialap, iske qoǵam nazaryn aýdarýdy surady.
