الماتىدا №104 باعىتتاعى اۆتوبۋستان ءتۇسۋ ساتىندە جولاۋشى ايەل اۋىر جاراقات الدى، دەپ حابارلايدى Dalanews.kz.
وقيعا 21 جەلتوقساندا ADEM ساۋدا ورتالىعىنىڭ ماڭىنداعى ايالدامادا بولعان. الدىن الا مالىمەتكە سايكەس، اۆتوبۋس جۇرگىزۋشىسى جولاۋشى تولىق تۇسپەي جاتىپ قوزعالىستى باستاپ كەتكەن.
زارداپ شەككەن اينۇر مەركۋلوۆا №7 قالالىق اۋرۋحاناعا جەتكىزىلگەن. ءقازىر ول قوزعالا الماي جاتىر، الدا وتا جاسالۋى ءتيىس. ايەلدىڭ ايتۋىنشا، قۇقىق قورعاۋ ورگاندارىنا جولداعان ارىز-شاعىمدارىنا ازىرگە جاۋاپ بەرىلمەگەن.
وسىعان بايلانىستى ول ۆيدەوۇندەۋ جاريالاپ، ىسكە قوعام نازارىن اۋدارۋدى سۇرادى.
