Qazaqstan 1 tamyzdan bastap avtogaz quiý stantsiialary úshin suiytylǵan munai gazyn bólshek saýdada jáne suiytylǵan munai gazyn ishki naryqqa kóterme saýdada ótkizýdiń shekti baǵalary bekitildi. Bul týraly buiryqqa Energetika ministri 2025 jyly 30 shildede qol qoidy, dep habarlaidy Dalanews.kz.
Qazaqstan óńirlerinde 1 tamyzdan bastap AGQS-taǵy gazǵa mynadai baǵalar qoldanylatyn bolady:
- Astana men Almaty qalalary: 1 litri 112 teńge (102 teńge bolǵan);
- Aqtóbe, Atyraý, Batys Qazaqstan oblystary: 1 litri 85 teńge (77 teńge bolǵan);
- Shymkent qalasy, Aqmola, Almaty, Shyǵys Qazaqstan, Qaraǵandy, Qostanai, Pavlodar, Soltústik Qazaqstan oblystary, sondai-aq Abai, Jetisý,Ulytaý oblystary: 1 litri 112 teńge (102 teńge bolǵan);
- Jambyl, Qyzylorda, Túrkistan oblystary: 1 litri 102 teńge (90 teńge bolǵan);
- Mańǵystaý oblysy: 1 litri 72 teńge (65 teńge bolǵan).
Sonymen qatar Qazaqstanda suiytylǵan munai gazyn ishki naryqqa kóterme saýdada ótkizýdiń shekti baǵasy 2025 jylǵy 1 tamyz ben 2025 jylǵy 31 jeltoqsan aralyǵyndaǵy kezeńge QQS-syz 1 tonnasy 51 932 teńgeden 59 722 teńgege deiin ósti.
Energetika ministrligi engizgen tiisti túzetýler 1 tamyzdan bastap qoldanysqa engizildi.
Aita ketsek, Qazaqstanda avtogaz biyl qsyta ǵana qymbattaǵan. Máselen, 2025 jyly 1 aqpanda Astanada baǵa birden 20 teńgege ósse, al Almatyda avtogaz qunyna 13 teńge qosylǵan edi. Sonda jyl basynan beri avtogazdyń 1 litri Astanada 30 teńgege, al Almatyda 23 teńgege qymbattap otyr.
