قازاقستان 1 تامىزدان باستاپ اۆتوگاز قۇيۋ ستانسيالارى ءۇشىن سۇيىتىلعان مۇناي گازىن بولشەك ساۋدادا جانە سۇيىتىلعان مۇناي گازىن ىشكى نارىققا كوتەرمە ساۋدادا وتكىزۋدىڭ شەكتى باعالارى بەكىتىلدى. بۇل تۋرالى بۇيرىققا ەنەرگەتيكا ءمينيسترى 2025 جىلى 30 شىلدەدە قول قويدى، دەپ حابارلايدى Dalanews.kz.
قازاقستان وڭىرلەرىندە 1 تامىزدان باستاپ اگقس-تاعى گازعا مىناداي باعالار قولدانىلاتىن بولادى:
- استانا مەن الماتى قالالارى: 1 ءليترى 112 تەڭگە (102 تەڭگە بولعان)؛
- اقتوبە، اتىراۋ، باتىس قازاقستان وبلىستارى: 1 ءليترى 85 تەڭگە (77 تەڭگە بولعان)؛
- شىمكەنت قالاسى، اقمولا، الماتى، شىعىس قازاقستان، قاراعاندى، قوستاناي، پاۆلودار، سولتۇستىك قازاقستان وبلىستارى، سونداي-اق اباي، جەتىسۋ،ۇلىتاۋ وبلىستارى: 1 ءليترى 112 تەڭگە (102 تەڭگە بولعان)؛
- جامبىل، قىزىلوردا، تۇركىستان وبلىستارى: 1 ءليترى 102 تەڭگە (90 تەڭگە بولعان)؛
- ماڭعىستاۋ وبلىسى: 1 ءليترى 72 تەڭگە (65 تەڭگە بولعان).
سونىمەن قاتار قازاقستاندا سۇيىتىلعان مۇناي گازىن ىشكى نارىققا كوتەرمە ساۋدادا وتكىزۋدىڭ شەكتى باعاسى 2025 جىلعى 1 تامىز بەن 2025 جىلعى 31 جەلتوقسان ارالىعىنداعى كەزەڭگە ققس-سىز 1 تونناسى 51 932 تەڭگەدەن 59 722 تەڭگەگە دەيىن ءوستى.
ەنەرگەتيكا مينيسترلىگى ەنگىزگەن ءتيىستى تۇزەتۋلەر 1 تامىزدان باستاپ قولدانىسقا ەنگىزىلدى.
ايتا كەتسەك، قازاقستاندا اۆتوگاز بيىل قسىتا عانا قىمباتتاعان. ماسەلەن، 2025 جىلى 1 اقپاندا استانادا باعا بىردەن 20 تەڭگەگە وسسە، ال الماتىدا اۆتوگاز قۇنىنا 13 تەڭگە قوسىلعان ەدى. سوندا جىل باسىنان بەرى اۆتوگازدىڭ 1 ءليترى استانادا 30 تەڭگەگە، ال الماتىدا 23 تەڭگەگە قىمباتتاپ وتىر.
