Álemniń juldyzdy shabýylshysy Kilian Mbappe Almatyda "Qairatqa" qarsy ótken oiynda het-trik jasap, Chempiondar ligasynyń apta úzdigi ataǵyna usynyldy, dep habarlaidy Dalanews.kz.
30 qyrkúiek pen 1 qazanda ótken toptyq kezeńniń ekinshi týrynan keiin ÝEFA tórt fýtbolshyny úzdik oiynshy ataǵyna usyndy. Olar:
• Kilian Mbappe (“Real Madrid”);
• Erling Holand (“Manchester Siti”);
• Rasmýs Hioilýnn (“Napoli”);
• Iens Petter Haýge (“Býdio-Glimt”).
"Realdyń" shabýylshysy Mbappe "Qairatty" 5:0 esebimen utqan oiynda týrdyń basty oiynshysyna ainaldy.
Aita ketsek, Kilian bul maýsymdy óte sátti bastady. "Real" sapyndaǵy 9 matchta 13 gol soǵyp, bir nátijeli pas bergen. Al Chempiondar ligasynda 5 golmen bombardirler tiziminde kósh bastap tur. Ony “Bavariia” shabýylshylary Harri Kein men Maikl Olise, sondai-aq "Aintraht" fýtbolshysy Jonatan Býrkardt (4 goldan) qýyp keledi.
Apta úzdigi jankúierlerdiń daýys berýine bailanysty anyqtalady. Doda ÝEFA-nyń resmi saitynda júrip jatyr.
Chempiondar ligasynyń úshinshi týry 21-22 qazanda ótedi. Qazirgi tańda týrnir kestesinde 6 upaimen "Bavariia", "Real", PSJ, "Inter", "Arsenal" jáne "Karabah" kósh bastap tur.
