ەلەمنٸڭ جۇلدىزدى شابۋىلشىسى كيليان مباپپە الماتىدا "قايراتقا" قارسى ٶتكەن ويىندا حەت-تريك جاساپ, چەمپيوندار ليگاسىنىڭ اپتا ٷزدٸگٸ اتاعىنا ۇسىنىلدى, دەپ حابارلايدى Dalanews.kz.
30 قىركٷيەك پەن 1 قازاندا ٶتكەن توپتىق كەزەڭنٸڭ ەكٸنشٸ تۋرىنان كەيٸن ۋەفا تٶرت فۋتبولشىنى ٷزدٸك ويىنشى اتاعىنا ۇسىندى. ولار:
• كيليان مباپپە (“رەال مادريد”);
• ەرلينگ حولاند (“مانچەستەر سيتي”);
• راسمۋس حيويلۋنن (“ناپولي”);
• يەنس پەتتەر حاۋگە (“بۋديو-گليمت”).
"رەالدىڭ" شابۋىلشىسى مباپپە "قايراتتى" 5:0 ەسەبٸمەن ۇتقان ويىندا تۋردىڭ باستى ويىنشىسىنا اينالدى.
ايتا كەتسەك, كيليان بۇل ماۋسىمدى ٶتە سەتتٸ باستادى. "رەال" ساپىنداعى 9 ماتچتا 13 گول سوعىپ, بٸر نەتيجەلٸ پاس بەرگەن. ال چەمپيوندار ليگاسىندا 5 گولمەن بومبارديرلەر تٸزٸمٸندە كٶش باستاپ تۇر. ونى “باۆارييا” شابۋىلشىلارى حارري كەين مەن مايكل وليسە, سونداي-اق "اينتراحت" فۋتبولشىسى جوناتان بۋركاردت (4 گولدان) قۋىپ كەلەدٸ.
اپتا ٷزدٸگٸ جانكٷيەرلەردٸڭ داۋىس بەرۋٸنە بايلانىستى انىقتالادى. دودا ۋەفا-نىڭ رەسمي سايتىندا جٷرٸپ جاتىر.
چەمپيوندار ليگاسىنىڭ ٷشٸنشٸ تۋرى 21-22 قازاندا ٶتەدٸ. قازٸرگٸ تاڭدا تۋرنير كەستەسٸندە 6 ۇپايمەن "باۆارييا", "رەال", پسج, "ينتەر", "ارسەنال" جەنە "كاراباح" كٶش باستاپ تۇر.
