Almatyda meiramhananyń oiyn bólmesinde alty jastaǵy balaǵa qol kótergen eresek azamattyń áreketine qatysty qylmystyq is qozǵaldy, dep habarlaidy Dalanews.kz.
Áleýmettik jelide taraǵan beinejazbada er adamnyń balany eki ret urǵan sáti anyq kórinedi. Kýágerlerdiń aitýynsha, bala qurdastarymen birge qurǵaq basseinde oinap júrgen. Sol sátte ata-analardyń biri balalardyń áreketine narazylyq bildirip, ashýyn alty jasar balaǵa jumsaǵan.
Aldyn ala málimetke sáikes, balany urǵan er adam Almaty qalasy ákimdigi janyndaǵy Qoǵamdyq keńestiń múshesi bolýy múmkin.
Jábirlenýshi balanyń ákesi bul áreketti azamattyq ar-ojdanǵa syimaityn soraqylyq dep baǵalap, qoǵamdyq qyzmettegi adamnyń mundai isi eshqandai aqtaýǵa kelmeitinin jetkizdi.
"Bul adamnyń áreketi Almatydaǵy qoǵamdyq keńes múshesiniń bedeline múlde sai kelmeidi. Mundai oqiǵaǵa tiisti organdar beijai qaramaýy tiis dep esepteimin", — dedi ol.
Almaty qalalyq politsiia departamentiniń habarlaýynsha, oqiǵa ornyna tártip saqshysy 6 minýtta jetip, mán-jaidy anyqtaǵan. Qazir tergeý amaldary júrip jatyr. Quqyq qorǵaý organdary oqiǵanyń barlyq qyr-syryn zerttep, tiisti protsessýaldyq sheshim qabyldaitynyn málimdedi.
Qoǵamda úlken rezonans týdyrǵan bul oqiǵa — balalar qaýipsizdigi men eresekterdiń jaýapkershiligine qatysty mańyzdy máseleni taǵy bir márte kóterip otyr.
