الماتىدا مەيرامحانانىڭ ويىن بٶلمەسٸندە التى جاستاعى بالاعا قول كٶتەرگەن ەرەسەك ازاماتتىڭ ەرەكەتٸنە قاتىستى قىلمىستىق ٸس قوزعالدى, دەپ حابارلايدى Dalanews.kz.
ەلەۋمەتتٸك جەلٸدە تاراعان بەينەجازبادا ەر ادامنىڭ بالانى ەكٸ رەت ۇرعان سەتٸ انىق كٶرٸنەدٸ. كۋەگەرلەردٸڭ ايتۋىنشا, بالا قۇرداستارىمەن بٸرگە قۇرعاق باسسەيندە ويناپ جٷرگەن. سول سەتتە اتا-انالاردىڭ بٸرٸ بالالاردىڭ ەرەكەتٸنە نارازىلىق بٸلدٸرٸپ, اشۋىن التى جاسار بالاعا جۇمساعان.
الدىن الا مەلٸمەتكە سەيكەس, بالانى ۇرعان ەر ادام الماتى قالاسى ەكٸمدٸگٸ جانىنداعى قوعامدىق كەڭەستٸڭ مٷشەسٸ بولۋى مٷمكٸن.
جەبٸرلەنۋشٸ بالانىڭ ەكەسٸ بۇل ەرەكەتتٸ ازاماتتىق ار-وجدانعا سىيمايتىن سوراقىلىق دەپ باعالاپ, قوعامدىق قىزمەتتەگٸ ادامنىڭ مۇنداي ٸسٸ ەشقانداي اقتاۋعا كەلمەيتٸنٸن جەتكٸزدٸ.
"بۇل ادامنىڭ ەرەكەتٸ الماتىداعى قوعامدىق كەڭەس مٷشەسٸنٸڭ بەدەلٸنە مٷلدە ساي كەلمەيدٸ. مۇنداي وقيعاعا تيٸستٸ ورگاندار بەيجاي قاراماۋى تيٸس دەپ ەسەپتەيمٸن", — دەدٸ ول.
الماتى قالالىق پوليتسييا دەپارتامەنتٸنٸڭ حابارلاۋىنشا, وقيعا ورنىنا تەرتٸپ ساقشىسى 6 مينۋتتا جەتٸپ, مەن-جايدى انىقتاعان. قازٸر تەرگەۋ امالدارى جٷرٸپ جاتىر. قۇقىق قورعاۋ ورگاندارى وقيعانىڭ بارلىق قىر-سىرىن زەرتتەپ, تيٸستٸ پروتسەسسۋالدىق شەشٸم قابىلدايتىنىن مەلٸمدەدٸ.
قوعامدا ٷلكەن رەزونانس تۋدىرعان بۇل وقيعا — بالالار قاۋٸپسٸزدٸگٸ مەن ەرەسەكتەردٸڭ جاۋاپكەرشٸلٸگٸنە قاتىستى ماڭىزدى مەسەلەنٸ تاعى بٸر مەرتە كٶتەرٸپ وتىر.
