Almatydaǵy Mega Park saýda-oiyn-saýyq ortalyǵynan adamdar evakýatsiialandy. Ǵimarat ishinde dabyl júiesi iske qosylyp, qyzmetkerlerge dereý evakýatsiialaý týraly habarlama berilgen, dep habarlaidy Dalanews.kz.
Kýágerlerdiń aitýynsha, adamdardy sabyr saqtaýǵa shaqyryp, jaqyn ornalasqan shyǵý esikterine baǵyttaǵan. Saýda ortalyǵy saǵat 10:00-de ashylady, sondyqtan ishinde negizinen jumysqa daiyndalyp jatqan qyzmetkerler bolǵan.
Keiinirek politsiia ókilderi ǵimarattyń «bombalanýy múmkin» degen anonimdi habarlama túskenin aitty.
«Alǵashqy sharalar aiasynda barlyq shuǵyl qyzmetter men qaladaǵy jedel bólimder dereý jumyldyryldy. Qaýipsizdik maqsatynda kelýshiler men qyzmetkerler evakýatsiialandy, ǵimarat komissiialyq tekserýden ótkizilip jatyr», - dep málimdedi politsiia.
Politsiia jalǵan habar bergen adamnyń jeke basyn anyqtaý jumystaryn júrgizip jatyr. Ol zań boiynsha jaýapkershilikke tartylatyny eskertildi.
