Kaspii teńizindegi áskeri oqý-jattyǵý kezinde qaza tapqan áskeri qyzmetshilerdiń esimderi jariialandy, dep habarlaidy dalanews.kz.
ZTB redaktsiiasynyń málimetinshe, qaza bolǵan Áskeri-teńiz kúshteriniń áskeri qyzmetshileriniń aldyn ala tizimi belgili bolǵan.
Tizimde:
Aiapbergen Serjan, Janabai Aset, Kóbenov Almas, Muhtaruly O., Temirgaliev Jenis, Madihan Azamat, Tólegen Aqylbek, Ómirzaq Ómirbek.
Basylym bul aqparatty alǵashqy tizim retinde jariialaǵan. Qaza bolǵandardyń tolyq aty-jóni men sany týraly resmi málimetter tiisti memlekettik organdardan qosymsha naqtylanýy múmkin.
Buǵan deiin Qorǵanys ministrligi 24 qyrkúiekte Mańǵystaý oblysynda Áskeri-teńiz kúshteriniń oqý-jattyǵýy kezinde aýa raiynyń kúrt nasharlap, jeldiń kúsheiýi saldarynan 19 áskeri qyzmetshini teńizge alyp ketkenin habarlaǵan. Aldyn ala málimet boiynsha, olardyń toǵyzy qaza tapqan, úsheýi qutqarylǵan. Qalǵandaryn izdestirý jumystary júrgizilip jatyr.
Oqiǵaǵa bailanysty qylmystyq is qozǵalyp, tergeý bastaldy. Sonymen qatar áskeri qyzmetshilerdiń qaza bolý sebepterin anyqtaý úshin úkimettik komissiia quryldy. Komissiiany Premer-ministrdiń orynbasary Qanat Bozymbaev basqarady.
