Каспий теңізіндегі әскери оқу-жаттығу кезінде қаза тапқан әскери қызметшілердің есімдері жарияланды, деп хабарлайды dalanews.kz.
ZTB редакциясының мәліметінше, қаза болған Әскери-теңіз күштерінің әскери қызметшілерінің алдын ала тізімі белгілі болған.
Тізімде:
Аяпберген Сержан, Жанабай Асет, Көбенов Алмас, Мұхтарұлы О., Темиргалиев Женис, Мадихан Азамат, Төлеген Ақылбек, Өмірзақ Өмірбек.
Басылым бұл ақпаратты алғашқы тізім ретінде жариялаған. Қаза болғандардың толық аты-жөні мен саны туралы ресми мәліметтер тиісті мемлекеттік органдардан қосымша нақтылануы мүмкін.
Бұған дейін Қорғаныс министрлігі 24 қыркүйекте Маңғыстау облысында Әскери-теңіз күштерінің оқу-жаттығуы кезінде ауа райының күрт нашарлап, желдің күшеюі салдарынан 19 әскери қызметшіні теңізге алып кеткенін хабарлаған. Алдын ала мәлімет бойынша, олардың тоғызы қаза тапқан, үшеуі құтқарылған. Қалғандарын іздестіру жұмыстары жүргізіліп жатыр.
Оқиғаға байланысты қылмыстық іс қозғалып, тергеу басталды. Сонымен қатар әскери қызметшілердің қаза болу себептерін анықтау үшін үкіметтік комиссия құрылды. Комиссияны Премьер-министрдің орынбасары Қанат Бозымбаев басқарады.
