Almaty ákimi Erbolat Dosaev ál-Farabi atyndaǵy Qazaq ulttyq ýniversiteti (QazUÝ) bazasynda joǵary tehnologiialyq jobalar men startaptardy damytýǵa arnalǵan «Farabi Hub» jańa ǵimaratynda ótken «Ǵylym, biznes jáne óndiris integratsiiasy» forýmyna qatysty, dep habarlaidy Dalanews.kz
Forým alańynda birlesken innovatsiialyq jobalarǵa múddeli biznes, ǵylym jáne memlekettik organdardyń ókilderi jinaldy. Forým bastalar aldynda qala basshysy Erbolat Dosaev pen QazUÝ basqarma tóraǵasy – rektory Janseiit Túimebaev «Farabi Hub» innovatsiialyq ónimder men joǵary tehnologiialyq jobalar ortalyǵyn aralap, aldyńǵy qatarly ázirlemelermen tanysty. Olardyń qatarynda qashyqtan zondtaý, robototehnika, sýperkompiýterlik tehnologiia, biotehnologiia jáne nanotehnologiia bar.
Plenarlyq sessiiada sóz sóilegen Erbolat Dosaev ǵylym men innovatsiiany ilgeriletý – Memleket basshysynyń saiasatynyń basty basymdyǵynyń biri ekenin atap ótti.
«Prezidentimizdiń ideialaryn júzege asyrýda Almatyǵa erekshe mán berilgen. Qala – elimizdiń ǵylymi jáne bilim berý ortalyǵy. Munda Qazaqstandaǵy joǵary oqý oryndarynyń úshten biri ornalasqan, 280 myńnan astam stýdent bilim alýda, 130-dan astam ǵylymi-zertteý ortalyǵy jumys isteidi. Bul elimizdegi barlyq ǵylymi uiymdardyń úshten biri», – dedi Erbolat Dosaev.
Sońǵy úsh jylda ǴZTKJ shyǵyndary eki eseden astam ósip, 2022 jylǵy 47 milliard teńgeden 2024 jyldyń qorytyndysy boiynsha 95 milliard teńgege jetti.
Buǵan qosa, 2024 jyldyń qyrkúiek aiynda megapoliste Ǵylym jáne tehnologiialar keńesi quryldy. Bul keńes ǵalymdar, biznes jáne memleket arasyndaǵy dialog alańy. Basty maqsaty – tehnologiialardy naqty sektorǵa engizý máselesin sheshý.
Qala basshysynyń aitýynsha, Almatynyń damý baǵdarlamasy ǵylym jetistikteri men tehnologiia transfertin belsendi paidalanýǵa negizdelgen.
«Bizde zertteýlerdi qarjylandyrýǵa jáne tehnologiialardy qala ómirine engizýge qajetti quraldar men múmkindikter bar. Eger jetkilikti joba usynylsa, biyl biz qala damýynyń jeti negizgi baǵytyna sáikes túrli jobalarǵa 10 milliard teńgege deiin bólýge daiynbyz», – dedi Erbolat Dosaev.
Ol tsifrlandyrý men jasandy intellekttiń jahandyq ekonomikalyq damýdaǵy mańyzdylyǵy artyp kele jatqanyn eske saldy.
Almaty qalasy Tsifrlandyrý basqarmasynyń málimetinshe, 2024 jyldyń qorytyndysy boiynsha megapolis Qazaqstannyń IT-sektorynyń kóshbasshysy bolyp qala beredi. Bul saladaǵy qyzmetterdiń 52%-yn Almaty qamtamasyz etken. Ótken jyly Qazaqstandaǵy IT-naryqtyń jalpy kólemi shamamen 3 trln teńge bolsa, onyń 1,6 trln teńgesi Almatyǵa tiesili.
Óz kezeginde, QazUÝ rektory Janseiit Túimebaev Qazaqstan JOO-lary arasynda eń iri tehnopark, innovatsiialyq park jáne jasandy intellekt ortalyǵyn salý josparlanyp otyrǵanyn jetkizdi.
«QazUÝ Almatynyń innovatsiialyq ekojúiesine kirigýge jáne ǵylymi ázirlemelerdi kommertsiialandyrýǵa zor múmkindikterge ie», – dedi ol.
Jalpy, forým qatysýshylary ǵylym, biznes jáne óndiris integratsiiasyn damytý boiynsha usynys pen ideiasyn ortaǵa saldy.
