Almatyda sot sheshimimen qurylysy aiaqtalmaǵan nysan buzylyp jatyr. Almatynyń qala qurylysy baqylaý basqarmasynyń málimdeýinshe, Gagarin dańǵyly, 284 mekenjaiyndaǵy qurylys nysany zańsyz dep tanyldy, dep habarlaidy Dalanews.kz
Buǵan deiin nysan iesine (jeke tulǵa) qatysty ákimshilik sharalar qoldanylyp, buzýshylyqtardy joiý týraly nusqama berilgen. Sonymen qatar, nysannyń irgetasyna metall qurylymdar ornatý kezeńinde qurylys jumystary toqtatylǵan bolatyn.
Nusqama merzimi aiaqtalǵannan keiin Almaty qalasynyń Mamandandyrylǵan aýdanaralyq ekonomikalyq sotyna nysandy buzý týraly talap aryz berildi. 2024 jylǵy 22 aqpanda sot bul talapty qanaǵattandyrdy.
Nysandy buzý jumystary Ádilet departamenti sot oryndaýshylarynyń qatysýymen bastaldy.
Eske sala keteiik, Almaty qalasynyń ákimi Erbolat Dosaevtyń qurylysqa baqylaýdy kúsheitý týraly tapsyrmasy aiasynda 2023 jyldyń basynan beri 71 zańsyz nysan tolyqtai nemese jartylai buzylǵan, onyń ishinde «Mechta», KHAN turǵyn úi keshenderi jáne t.b. bar.
