الماتىدا سوت شەشٸمٸمەن قۇرىلىسى اياقتالماعان نىسان بۇزىلىپ جاتىر. الماتىنىڭ قالا قۇرىلىسى باقىلاۋ باسقارماسىنىڭ مەلٸمدەۋٸنشە, گاگارين داڭعىلى, 284 مەكەنجايىنداعى قۇرىلىس نىسانى زاڭسىز دەپ تانىلدى, دەپ حابارلايدى Dalanews.kz
بۇعان دەيٸن نىسان يەسٸنە (جەكە تۇلعا) قاتىستى ەكٸمشٸلٸك شارالار قولدانىلىپ, بۇزۋشىلىقتاردى جويۋ تۋرالى نۇسقاما بەرٸلگەن. سونىمەن قاتار, نىساننىڭ ٸرگەتاسىنا مەتالل قۇرىلىمدار ورناتۋ كەزەڭٸندە قۇرىلىس جۇمىستارى توقتاتىلعان بولاتىن.
نۇسقاما مەرزٸمٸ اياقتالعاننان كەيٸن الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا نىساندى بۇزۋ تۋرالى تالاپ ارىز بەرٸلدٸ. 2024 جىلعى 22 اقپاندا سوت بۇل تالاپتى قاناعاتتاندىردى.
نىساندى بۇزۋ جۇمىستارى ەدٸلەت دەپارتامەنتٸ سوت ورىنداۋشىلارىنىڭ قاتىسۋىمەن باستالدى.
ەسكە سالا كەتەيٸك, الماتى قالاسىنىڭ ەكٸمٸ ەربولات دوساەۆتىڭ قۇرىلىسقا باقىلاۋدى كٷشەيتۋ تۋرالى تاپسىرماسى اياسىندا 2023 جىلدىڭ باسىنان بەرٸ 71 زاڭسىز نىسان تولىقتاي نەمەسە جارتىلاي بۇزىلعان, ونىڭ ٸشٸندە «مەچتا», KHAN تۇرعىن ٷي كەشەندەرٸ جەنە ت.ب. بار.
