Almatyda politsiia turǵynnan SIM-box tárkiledi, - dep habarlaidy Dalanews.kz
Almaty qalasynda Almaty PD kiberqylmysqa qarsy kúres basqarmasynyń qyzmetkerleri QR IIM jáne Soltústik Qazaqstan oblysyndaǵy áriptesterimen birlesip arnaiy is-shara júrgizip, internet-alaiaqtyq jasaý úshin qoldanylǵan Sim-box qurylǵysyn anyqtady jáne tárkiledi.
Is-shara nátijesinde internet-trafikti zańsyz baǵyttaý maqsatynda jappai sim-kartalardy paidalaný arqyly qylmystyq tizbekti uiymdastyrǵan jas jigit ustaldy. Tergeý derekteri boiynsha, ol jabyq internet-qoǵamdastyqtan nusqaýlar alyp, kriptovaliýta túrinde aqy alyp otyrǵan. Qurylǵy tárkilendi, tekserý jumystary jalǵasýda.
- Sim-box qurylǵylaryn paidalaný – alaiaqtar jii qoldanatyn tehnikalyq ádisterdiń biri. Bul qurylǵylar nómirdi jasyrýǵa, qońyraýlardy burmalaýǵa jáne fishingtik habarlamalardy jappai taratýǵa múmkindik beredi. Mundai áreketter azamattardy shatastyryp, qaskóiler, ózin bank nemese memlekettik organ qyzmetkeri retinde tanystyryp, jeke derekterdi aldap alýǵa jaǵdai jasaidy. Osyndai alaiaqtyq tizbekterdiń jolyn kesý – bizdiń negizgi mindetterimizdiń biri, – dedi Almaty qalasy PD Kiberqylmysqa qarsy kúres basqarmasy bastyǵynyń orynbasary Erkebulan Qoishybaev.
Jedel-izdestirý sharalary aiasynda bul qylmystyq tizbekke qatysy bar basqa adamdardy anyqtaý jáne osyǵan uqsas derekterdi áshkereleý jumystary jalǵasýda. Politsiia azamattardy muqiiat bolýǵa, jeke derekterdi telefon arqyly bermeýge jáne kúmándi jaǵdailarda birden "102" nómirine habarlasýǵa shaqyrady.
