Almatyda uıymdasqan qylmystyq top músheleri 16 jylǵa sottaldy, dep habarlaıdy Dalanews.kz.
Medeý aýdany prokýratýrasynyń úılestirýimen polısıa qyzmetkerleri psıhotrop zattardy asa iri mólsherde zańsyz daıyndaý jáne ótkizý boıynsha uıymdasqan qylmystyq toptyń qyzmetin áshkerelegen.
Qylmystyq shema uıymdastyrýshysy Almaty aýmaǵynda jeke turǵyn úılerde jabdyqtalǵan úsh jasyryn zerthananyń jumysyn úılestirgen uıymdasqan qylmystyq topqa basshylyq etken. Zerthanalarda psıhotrop zattar kún saıyn zańsyz aınalymǵa shyǵarý maqsatynda daıyndalǵan.
Jedel izdestirý is-sharalary barysynda jasyryn zerthanalardyń qyzmeti tolyq toqtatylyp, 7 adam ustalǵan, zańsyz aınalymnan psıhotrop zattar tárkilengen.
Sotaldy tergep-tekserý nátıjesinde uıymdastyrýshyǵa halyqaralyq izdeý jarıalandy. Al qalǵan uıymdasqan qylmystyq top músheleri sot úkimimen kináli dep tanylyp, 16 jylǵa bas bostandyǵynan aıyryldy.
