16 sáýirdegi jaǵdaı boıynsha Almatyda koronavırýs juqtyrýdyń 393 jaǵdaıy tirkeldi, dep habarlaıdy Dalanews.kz.
Onyń ishinde altaýy - bala jáne 4 júkti áıel bar.
Jańadan tirkelgen jaǵdaı - 23, onyń ishinde bireýi - balalar juqpaly aýrýlary aýrýhanasynyń medısına qyzmetkeri, 22 - naýqaspen baılanystaǵy adamdar. Covid-19 vırýsynan saýyqqan taǵy úsh naýqas keshe aýrýhanadan shyǵaryldy. Olardyń barlyǵy buryn anyqtalǵan naýqastarmen baılanysta bolǵandar, olardyń arasynda 2009 jylǵy bala da bar, - dedi Almaty Qoǵamdyq densaýlyq basqarmasyndaǵylar.
Búgingi kúni jalpy qalada jańa aýrý túrinen emdelgenderdiń sany - 61 adam.
Qazirgi ýaqytta 330 naýqas juqpaly aýrýlar stansıonarlarynda KVI-den emdelýde. Onyń ishinde Almaty oblysynan bir áıel de bar.
Ýaqytsha qurylǵan aýrýhanalarda 368 azamat, onyń ishinde 7 bala bar, 426 adam karantındik aýrýhanada jatyr, 7288 adamǵa úıinde oqshaýlanýǵa buıryq berilgen.
