Almatynyń Naýryzbai aýdandyq sotynda "alaýyzdyq qozdyrdy" dep aiyptalǵan Qaznews24 satiralyq pabliginiń avtory Temirlan Eńsebektiń isi boiynsha sot bastaldy. Offlain rejimde ótetin sotta isti qaraýǵa sýdia Beinegúl Qaisina taǵaiyndalǵan, dep habarlaidy Dalanews.kz Azattyqqa siltep.
Temirlan Eńsebektiń ózi sotqa onlain qatystyrylady.
Buǵan deiin ol ózin tikelei sotqa qatystyrýdy, dybys sapasy nashar bolǵandyqtan tipti advokatynyń sózin esti almai otyrǵanyn aitqan edi.
Qorǵaý jaǵy Eńsebekti sot zalyna ákelýdi surady. Temirlan Eńsebek bailanys óte nashar ekenin aitty.
Biraq prokýror qarsy shyqty. Sot qorǵaý jaǵynyń ótinishin qabyldaǵan joq. Otyrysty "gibridtik rejimde" jalǵastyrýdy buiyrdy.
Sot otyrysy kezinde syrt jaqtan "Ashyq sot! Temirlanǵa bostandyq!" degen uran estildi. Bul sot zalyna kire almaǵan belsendiniń jaqtastary edi.
Temirlan Eńsebektiń ákesi Marat Turǵymbai qazaq tilinde sóilep edi, sýdia sot óndirisi oryssha ekenin aityp, oryssha sóileýdi ótindi.
Advokat Janar Balǵabaeva sotqa barlyǵyn - syrtta kire almai qalǵan adamdardy da qatystyrýdy surady. Onyń sózinshe, zalda "protseske múlde qyzyǵýshylyǵy joq, BAQ-qa kirmeitin múlde bóten adamdar júr". Biraq sýdia "basqa úlken zal joq, bul másele endi talqylanbaidy" dedi
