Almatyda 500 million jáne 421 million teńgege túsirilgen eki film prokatqa shyqpai qalǵan, - dep habarlaidy Dalanews.kz.
Almaty qalasynyń prokýratýrasy 2019-2023 jyldarǵa ulttyq kinony qoldaýǵa bólingen biýdjet qarajaty qalai igerilgenin teksergen. Osylaisha ulttyq filmderdi qarjylandyrýdyń tiimsiz júrgizilgeni anyqtaldy.
"Vybor" filmi
Mysaly, 2019-2021 jyldar kezeńinde «Vybor» filmin túsirýge 500 mln teńge somasyna tolyq kólemde qarjylandyryldy. Alaida memleket tolyqtai qoldaǵanyna qaramastan, film prokatqa sol kúii shyqpady.
Al «Kinematografiia týraly» Qazaqstan Respýblikasy zańynyń 12-baby 1-tarmaǵyna sáikes memlekettik qarjylyq qoldaý, ulttyq filmderdi jáne soǵan bailanysty is-sharalardy shyǵarýdy, prokattaýdy jáne kórsetýdi uiymdastyrý, sondai-aq ulttyq filmderdi shetelde kórsetý úshin usynylady. Onyń ústine, atalǵan filmge prokattaý kýáligi alynbaǵan, bul Zańnyń 14-baby 1-tarmaǵyna qaishy keledi (ulttyq dep tanylǵan filmge ulttyq filmniń kýáligi beriledi).
Osylaisha memleket, zańnamada kózdelgen prokattan jáne film kórsetiliminen túsetin kiristiń 20 paiyzyn alý múmkindiginen aiyrylǵan.
421 mln teńge túsirilgen film prokatqa shyqpaǵan
Taǵy bir uqsas jáit, 421 mln teńge bólingen «Tyrnalar» filmine qatysty. Qyrýar qarjy bólingen bul film de prokatqa shyqqan joq.
2019 jyldan bastap filmder monitoringiniń biryńǵai avtomattandyrylǵan aqparattyq júiesi qoldanysqa engizilmegen, ol eldiń barlyq kinoteatrynda kinokórsetilimder men satylǵan biletter boiynsha, sondai-aq filmniń biýdjeti boiynsha statistikany qadaǵalaýǵa múmkindik berer edi.
Kinojobalarǵa obektivti irikteý júrgizilmeitin Saraptamalyq Keńestiń jumysy jekelegen narazylyqtardy týdyryp otyr, onyń ústine kinokompaniialardyń prodiýserleri, rejisserleri, akterleri, quryltaishylary bir ýaqytta Saraptamalyq Keńestiń músheleri bolyp, nátijesinde joba qarjylandyrylǵan, bul QR Úkimetiniń 2019 jyldyń 15 naýryzdaǵy №113 Qaýlysyna qaishy keledi.
Memleket tarapynan qarjylyq qoldaý bolǵanyna qaramastan kútiletin maqsattar men mindetterge oryndalmaǵan, oǵan tekserý nátijeleri dálel.
Qala prokýratýrasynyń qadaǵalaý aktisi boiynsha QR Mádeniet jáne aqparat ministrligi Mádeniet komiteti tóraǵasynyń orynbasary, sondai-aq "Ulttyq kinony qoldaý memlekettik ortalyǵy" KEAQ Basqarma tóraǵasynyń orynbasary tártiptik jaýaptylyqqa tartyldy.
