الماتىدا 500 ميلليون جانە 421 ميلليون تەڭگەگە تۇسىرىلگەن ەكى فيلم پروكاتقا شىقپاي قالعان، - دەپ حابارلايدى Dalanews.kz.

الماتى قالاسىنىڭ پروكۋراتۋراسى 2019-2023 جىلدارعا ۇلتتىق كينونى قولداۋعا بولىنگەن بيۋدجەت قاراجاتى قالاي يگەرىلگەنىن تەكسەرگەن. وسىلايشا ۇلتتىق فيلمدەردى قارجىلاندىرۋدىڭ تيiمسiز جۇرگىزىلگەنى انىقتالدى. 

"ۆىبور" ءفيلمى

مىسالى، 2019-2021 جىلدار كەزەڭىندە «ۆىبور» ءفيلمىن تۇسىرۋگە 500 ملن تەڭگە سوماسىنا تولىق كولەمدە قارجىلاندىرىلدى. الايدا مەملەكەت تولىقتاي قولداعانىنا قاراماستان، فيلم پروكاتقا سول كۇيى شىقپادى.

ال «كينەماتوگرافيا تۋرالى» قازاقستان رەسپۋبليكاسى زاڭىنىڭ 12-بابى 1-تارماعىنا سايكەس مەملەكەتتىك قارجىلىق قولداۋ، ۇلتتىق فيلمدەردى جانە سوعان بايلانىستى ءىس-شارالاردى شىعارۋدى، پروكاتتاۋدى جانە كورسەتۋدى ۇيىمداستىرۋ، سونداي-اق ۇلتتىق فيلمدەردى شەتەلدە كورسەتۋ ءۇشىن ۇسىنىلادى. ونىڭ ۇستىنە، اتالعان فيلمگە پروكاتتاۋ كۋالىگى الىنباعان، بۇل زاڭنىڭ 14-بابى 1-تارماعىنا قايشى كەلەدى (ۇلتتىق دەپ تانىلعان فيلمگە ۇلتتىق ءفيلمنىڭ كۋالىگى بەرىلەدى).

وسىلايشا مەملەكەت، زاڭنامادا كوزدەلگەن پروكاتتان جانە فيلم كورسەتىلىمىنەن تۇسەتىن كىرىستىڭ 20 پايىزىن الۋ مۇمكىندىگىنەن ايىرىلعان.

421 ملن تەڭگە تۇسىرىلگەن فيلم پروكاتقا شىقپاعان

تاعى ءبىر ۇقساس ءجايت، 421 ملن تەڭگە بولىنگەن «تىرنالار» فيلمىنە قاتىستى. قىرۋار قارجى بولىنگەن بۇل فيلم دە پروكاتقا شىققان جوق.

2019 جىلدان باستاپ فيلمدەر مونيتورينگىنىڭ ءبىرىڭعاي اۆتوماتتاندىرىلعان اقپاراتتىق جۇيەسى قولدانىسقا ەنگىزىلمەگەن، ول ەلدىڭ بارلىق كينوتەاترىندا كينوكورسەتىلىمدەر مەن ساتىلعان بيلەتتەر بويىنشا، سونداي-اق ءفيلمنىڭ بيۋدجەتى بويىنشا ستاتيستيكانى قاداعالاۋعا مۇمكىندىك بەرەر ەدى.

كينوجوبالارعا وبەكتيۆتى ىرىكتەۋ جۇرگىزىلمەيتىن ساراپتامالىق كەڭەستىڭ جۇمىسى جەكەلەگەن نارازىلىقتاردى تۋدىرىپ وتىر، ونىڭ ۇستىنە كينوكومپانيالاردىڭ پروديۋسەرلەرى، رەجيسسەرلەرى، اكتەرلەرى، قۇرىلتايشىلارى ءبىر ۋاقىتتا ساراپتامالىق كەڭەستىڭ مۇشەلەرى بولىپ، ناتيجەسىندە جوبا قارجىلاندىرىلعان، بۇل ق ر ۇكىمەتىنىڭ 2019 جىلدىڭ 15 ناۋرىزداعى №113 قاۋلىسىنا قايشى كەلەدى.

مەملەكەت تاراپىنان قارجىلىق قولداۋ بولعانىنا قاراماستان كۇتىلەتىن ماقساتتار مەن مىندەتتەرگە ورىندالماعان، وعان تەكسەرۋ ناتيجەلەرى دالەل.

قالا پروكۋراتۋراسىنىڭ قاداعالاۋ اكتىسى بويىنشا ق ر مادەنيەت جانە اقپارات مينيسترلىگى مادەنيەت كوميتەتى ءتوراعاسىنىڭ ورىنباسارى، سونداي-اق "ۇلتتىق كينونى قولداۋ مەملەكەتتىك ورتالىعى" كەاق باسقارما ءتوراعاسىنىڭ ورىنباسارى تارتىپتىك جاۋاپتىلىققا تارتىلدى.