Almaty qalasyndaǵy Sairan kóline jasóspirim men eresek er adam batyp ketti. Qaiǵyly oqiǵa 25 maýsymda boldy,- dep habarlaidy Dalanews.kz
Qaiǵyly oqiǵa týraly alǵashqy aqparat 109 shuǵyl qyzmetine túsken. Departamenttiń habarlaýynsha, 2007 jyly týǵan jasóspirim sýǵa batyp ketken. Oqiǵa ornyna dereý jetken súńgýirler balanyń denesin sýdan alyp shyqty. Marqummen birge bolǵan ekinshi jasóspirim jaǵaǵa óz kúshimen júzip shyqqan.
Keshki ýaqytta taǵy bir adamnyń sýǵa ketkeni belgili boldy. 1977 jyly týǵan er adam mas kúide ruqsat etilmegen aýmaqta shomylyp júrip, ajal qushty.
Almaty qalalyq Tótenshe jaǵdailar departamenti Sairan kólinde shomylýǵa áli qatań tyiym salynǵanyn eskertti. Óitkeni kól mańyndaǵy qurylys jáne sanitarlyq jumystar tolyq aiaqtalǵan joq, sý aidyny áli resmi túrde paidalanýǵa berilmegen.
"Tyiym salý tártibi buzylǵan jaǵdaida, qoldanystaǵy zańnamaǵa sáikes ákimshilik sharalar, onyń ishinde aiyppuldar qoldanylady. Qala turǵyndary men qonaqtaryn sýdaǵy qaýipsizdik erejelerin saqtaýǵa jáne ruqsat etilmegen jerlerde shomylýdan bas tartýǵa shaqyramyz", – delingen qalalyq TJD baspasóz habarlamasynda.
