«Medeý» muz aidynynda Memlekettik týdy kóterý boiynsha saltanatty rásim ótti. Is-sharaǵa Almaty qalasynyń ákimi Erbolat Dosaev, qoǵam qairatkerleri, máslihat depýtattary, úkimettik emes jáne jastar uiymdarynyń ókilderi men qala turǵyndary qatysty, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Týdy kóterý rásimi dástúr boiynsha áskeri orkestrdiń súiemeldeýimen memlekettik ánurandy oryndaýmen jalǵasty. Memlekettik týdyń aýdany 98 sharshy metr bolsa, biiktigi 40 metr.
Eske sala keteiik, Respýblika kúni qarsańynda qala ákimi Erbolat Dosaev Qazaqstan Prezidenti Qasym-Jomart Toqaevtyń atynan memlekettik marapattardy tabystady. Marapattalǵandardyń arasynda eldiń áleýmettik-ekonomikalyq jáne mádeni damýyna eleýli úles qosqan almatylyqtar bar. Sondai-aq Respýblika saraiynda merekelik kontsert ótti.
– Táýelsizdik týraly deklaratsiia Almaty qalasynda qabyldanǵan. Sondyqtan qasterli mereke dep sanaimyz. Onyń mán-mańyzyn jastarǵa úiretý, nasihattaý osyndai is-sharalar arqyly ńske asady, – dedi Almaty qalasynyń Qoǵamdyq damý basqarmasynyń basshysy Aidar Esenbekov.
Al jastar atynan sóz sóilegen Jastar saiasatyn damytý memlekettik qorynyń direktory Baǵdat Anarbaeva:
– Patriottyq merekelerde egemendigimizdiń qundylyǵyn erekshe túsinemiz. Sonymen qatar jastardyń patriottyq rýhyn kóteredi dep aitsam bolady. Sol úshin osyndai sharalardan qalmaýǵa, qatysýǵa tyrysamyz, – dep oiyn ortaǵa saldy.
Tý kóterý rásimne Medeýge 1500-nan asa adam kelip, merekelik sharaǵa qatysty. Jinalǵan jurttyń júzinen erekshe kóńil-kúidi ańǵarýǵa bolady. Sebebi olar jańa ǵana memlekettik týdy saltanatty túrde kóterý rásimine qatysty.
Búgin Almatyda merekege orai drondar shoýy ótedi. Shara saǵat 21:00-de Abai alańynda, al 21:30-da «Astana» alańynda 500-den astam dron sinhrondy túrde kókke kóterilip, ulttyq mádeniet elementteri men el tarihyndaǵy mańyzdy sátterdi beineleitin 3D beineler jasaidy. Merekelik shara jaryq qondyrǵylary mýzykalyq shyǵarmalarmen súiemeldenedi, bul ulttyq birlik pen maqtanysh rýhyn aishyqtaidy.
Buǵan qosa, saǵat 20:00-de Respýblika kúnine orai «Kóktóbe» telemunarasynda merekelik sáýlettik jaryqtandyrý qosylady. Aita ketsek, telemunaranyń jaryqtandyrý júiesi 30 tamyzda iske qosylyp, Almatynyń mańyzdy nysandarynyń biri retinde jańartylǵan.
