«مەدەۋ» مۇز ايدىنىندا مەملەكەتتىك تۋدى كوتەرۋ بويىنشا سالتاناتتى ءراسىم ءوتتى. ءىس-شاراعا الماتى قالاسىنىڭ اكىمى ەربولات دوسايەۆ، قوعام قايراتكەرلەرى، ءماسليحات دەپۋتاتتارى، ۇكىمەتتىك ەمەس جانە جاستار ۇيىمدارىنىڭ وكىلدەرى مەن قالا تۇرعىندارى قاتىستى، – دەپ حابارلايدى Dalanews.kz الماتى قالاسى اكىمىنىڭ باسپا ءسوز قىزمەتىنە سىلتەمە جاساپ.
تۋدى كوتەرۋ ءراسىمى ءداستۇر بويىنشا اسكەري وركەستردىڭ سۇيەمەلدەۋىمەن مەملەكەتتىك ءانۇراندى ورىنداۋمەن جالعاستى. مەملەكەتتىك تۋدىڭ اۋدانى 98 شارشى مەتر بولسا، بيىكتىگى 40 مەتر.
ەسكە سالا كەتەيىك، رەسپۋبليكا كۇنى قارساڭىندا قالا اكىمى ەربولات دوسايەۆ قازاقستان پرەزيدەنتى قاسىم-جومارت توقايەۆتىڭ اتىنان مەملەكەتتىك ماراپاتتاردى تابىستادى. ماراپاتتالعانداردىڭ اراسىندا ەلدىڭ الەۋمەتتىك-ەكونوميكالىق جانە مادەني دامۋىنا ەلەۋلى ۇلەس قوسقان الماتىلىقتار بار. سونداي-اق رەسپۋبليكا سارايىندا مەرەكەلىك كونسەرت ءوتتى.
– تاۋەلسىزدىك تۋرالى دەكلاراسيا الماتى قالاسىندا قابىلدانعان. سوندىقتان قاستەرلى مەرەكە دەپ سانايمىز. ونىڭ ءمان-ماڭىزىن جاستارعا ۇيرەتۋ، ناسيحاتتاۋ وسىنداي ءىس-شارالار ارقىلى ڭسكە اسادى، – دەدى الماتى قالاسىنىڭ قوعامدىق دامۋ باسقارماسىنىڭ باسشىسى ايدار ەسەنبەكوۆ.
ال جاستار اتىنان ءسوز سويلەگەن جاستار ساياساتىن دامىتۋ مەملەكەتتىك قورىنىڭ ديرەكتورى باعدات اناربايەۆا:
– پاتريوتتىق مەرەكەلەردە ەگەمەندىگىمىزدىڭ قۇندىلىعىن ەرەكشە تۇسىنەمىز. سونىمەن قاتار جاستاردىڭ پاتريوتتىق رۋحىن كوتەرەدى دەپ ايتسام بولادى. سول ءۇشىن وسىنداي شارالاردان قالماۋعا، قاتىسۋعا تىرىسامىز، – دەپ ويىن ورتاعا سالدى.
تۋ كوتەرۋ راسىمنە مەدەۋگە 1500-نان اسا ادام كەلىپ، مەرەكەلىك شاراعا قاتىستى. جينالعان جۇرتتىڭ جۇزىنەن ەرەكشە كوڭىل-كۇيدى اڭعارۋعا بولادى. سەبەبى ولار جاڭا عانا مەملەكەتتىك تۋدى سالتاناتتى تۇردە كوتەرۋ راسىمىنە قاتىستى.
بۇگىن الماتىدا مەرەكەگە وراي دروندار شوۋى وتەدى. شارا ساعات 21:00-دە اباي الاڭىندا، ال 21:30-دا «استانا» الاڭىندا 500-دەن استام درون سينحروندى تۇردە كوككە كوتەرىلىپ، ۇلتتىق مادەنيەت ەلەمەنتتەرى مەن ەل تاريحىنداعى ماڭىزدى ساتتەردى بەينەلەيتىن 3D بەينەلەر جاسايدى. مەرەكەلىك شارا جارىق قوندىرعىلارى مۋزىكالىق شىعارمالارمەن سۇيەمەلدەنەدى، بۇل ۇلتتىق بىرلىك پەن ماقتانىش رۋحىن ايشىقتايدى.
بۇعان قوسا، ساعات 20:00-دە رەسپۋبليكا كۇنىنە وراي «كوكتوبە» تەلەمۇناراسىندا مەرەكەلىك ساۋلەتتىك جارىقتاندىرۋ قوسىلادى. ايتا كەتسەك، تەلەمۇنارانىڭ جارىقتاندىرۋ جۇيەسى 30 تامىزدا ىسكە قوسىلىپ، الماتىنىڭ ماڭىزدى نىساندارىنىڭ ءبىرى رەتىندە جاڭارتىلعان.
