Qarjylyq monitoring agenttiginiń Almaty qalasy boiynsha departamenti 180-nen astam adamdy aldap soqqan "Boxy Wealth" qarjy piramidasynyń qyzmetin toqtatty. Qarjy piramidanyń uiymdastyrýshysy 2 ai merzimge qamaýǵa alyndy, dep habarlaidy Dalanews.kz.
Qazirgi ýaqytta 230 mln teńge kóleminde zalal keltirilgen 180-nen astam azamat jábirlenýshi dep tanylǵan.
"Uiymdastyrýshylar ózderin investitsiialyq kompaniia retinde tanystyryp, salymshylarǵa jarnamalyq materialdardy qaraý arqyly joǵary tabys tabýdy usynǵan. Olar kún saiyn 5%-dan 10%-ǵa deiin, iaǵni aiyna 150%-dan astam jáne jylyna 1800%-dan joǵary kiris tabatynyna ýáde etken. Sondai-aq, referaldyq siltemeler arqyly jańa qatysýshylardy tartqan jaǵdaida 10% kóleminde dividend tóleý qarastyrylǵan. Salymshylardyń aqshalai qarajattary dropperlerdiń atyna rásimdelgen bank kartalaryna qabyldanyp, keiin jasyrý maqsatynda paidalanylǵan kriptovaliýta ámiiandaryna aýdarylǵan", delingen QMA habarlamasynda.
Qarjy piramidanyń uiymdastyrýshysy 2 ai merzimge qamaýǵa alyndy.
Tergeý jalǵasýda.
Qylmystyq-protsestik kodekstiń 201-babyna sáikes ózge aqparat jariia etýge jatpaidy.
Buǵan deiin TMD aýmaǵyndaǵy eń iri kriptoservistiń qyzmeti toqtatylǵanyn jazǵanbyz.
