Sońǵy jyldary Almatyda elektrovelosipedterdiń sany kúrt ósip keledi. Mundai kólikterdiń qoljetimdiligi, ekologiialyq tazalyǵy jáne qala ishinde paidalaný yńǵailylyǵy olardyń tanymaldylyǵyn arttyryp otyr,- dep habarlaidy Dalanews.kz
Alaida mamandardyń aitýynsha, qazirgi zamanaýi elektrovelosipedterdiń kópshiligi saǵatyna 40–45 shaqyrymǵa deiin jyldamdyqpen qozǵalyp, 400 Vt-tan joǵary qýatqa ie. Bul zańmen belgilengen shekti kórsetkishterden asyp túsedi jáne olardy avtomatty túrde moped sanatyna jatqyzady.
Zańǵa sáikes, qýaty 250 Vt-tan joǵary jáne jyldamdyǵy saǵatyna 25 shaqyrymnan asatyn kólik quraldary mindetti túrde tirkeýge jatady. Iaǵni olardyń tehnikalyq pasporty, memlekettik nómiri men saqtandyrýy bolýy tiis.
«Azamattardyń elektrovelosipedterge degen qyzyǵýshylyǵyn túsinemiz. Biraq zań talaptary bar. Qýaty joǵary elektrovelosipedterdi jalpy qoldanystaǵy joldarda tirkeýsiz júrgizýge bolmaidy. Bul eń aldymen qaýipsizdik máselesi. Sonymen qatar tirkeý kólik quralynyń menshik quqyǵyn rastaidy, al urlanǵan nemese joǵalǵan jaǵdaida iesine qaitarýdy jeńildetedi», – dedi Almaty qalasy PD Ákimshilik politsiia basqarmasynyń bastyǵy Ashat Qulbaev.
Politsiia ókilderiniń málimetinshe, tirkeýsiz júretin elektrovelosipedter joldaǵy qozǵalysty qiyndatyp, jol-kólik oqiǵalarynyń kóbeiýine sebep bolýy múmkin.
Osyǵan bailanysty tártip saqshylary qala turǵyndaryn zańdy saqtaýǵa jáne elektrovelosipedterdi ýaqtyly tirkeýge shaqyrdy.
