Búgin tańǵy ýaqytta Almaty qalasy, Jetisý aýdany, Tobaiaqov kóshesinde ornalasqan qoimalardyń birinen órt shyqty,- dep habarlaidy Dalanews.kz
Qalalyq Tótenshe jaǵdailar departamentiniń málimetinshe, saǵat 09:52-de qoimadan shyqqan órt týraly habarlama túsken. Oqiǵa ornyna órt sóndirýshiler joǵary dárejeli dabylmen jóneltildi.
TJM qyzmetkerleri kelgen sátte qoima tolyǵymen otqa oranǵany anyqtalǵan. Órtti sóndirý jumystary birden uiymdastyrylyp, jedel shtab quryldy. Qalanyń barlyq jedel áreket etý qyzmetteri jumyldyryldy. Órttiń ottegimen qarqyndy janýy jáne jylý sáýlesiniń joǵary bolýy jaǵdaidy qiyndatqan.
"Qalalyq TJD bastyǵynyń basshylyǵymen úsh jedel órt sóndirý ýchaskesi qurylyp, birneshe sý oqpandary iske qosyldy. Sý úzdiksiz berilip, ottyń taralýyna jol berilmeý úshin barlyq sharalar qoldanyldy", - delingen habarlamada.
Aldyn ala málimet boiynsha, órt shamamen 500 sharshy metr aýmaqty sharpyǵan. Oqiǵa saldarynan zardap shekkender joq. Órt sóndirý bólimsheleriniń jedel áreketiniń arqasynda kásipkerlerdiń kórshiles qoimalaryndaǵy taýarlyq-materialdyq qundylyqtar tolyq saqtalyp qaldy.
Órttiń naqty shyǵý sebebi anyqtalýda.
