Abai alańynda, Respýblika saraiynyń aldynda «Qazaqstannyń úzdik taýary» respýblikalyq baiqaýynyń óńirlik kezeńi ótti. Is-sharaǵa Almaty ákimi Darhan Satybaldy, «Atameken» ulttyq kásipkerler palatasy prezidiýmynyń tóraǵasy Raiymbek Batalov, sondai-aq qala kásipkerleri qatysty,- dep habarlaidy Dalanews.kz
Bul baiqaý 2006 jyldan beri Memleket basshysynyń tapsyrmasymen ótkizilip keledi. Maqsaty – otandyq óndirýshilerdi qoldaý, shaǵyn jáne orta biznesti damytý, qazaqstandyq ónimdi tutyný mádenietin qalyptastyrý jáne ishki naryqty sapaly, básekege qabiletti taýarmen qamtamasyz etý.
Almaty ákimi Darhan Satybaldy qatysýshylardy quttyqtap, baiqaýdyń kásipkerlikti qoldaýdaǵy mańyzyna toqtaldy. Ákimniń aitýynsha, óńirlik kezeńniń jeńimpazdary ýaqyt synynan ótken ónim sapasynyń moiyndalýyna qol jetkizip qana qoimai, Almatyny ulttyq deńgeide tanystyrý jaýapkershiligin de arqalaidy.
«Qurmetti qatysýshylar men jeńimpazdar! Sizdermen búgin osynda júzdeskenime qýanyshtymyn. «Qazaqstannyń úzdik taýary» baiqaýy Almatyda igi dástúrge ainaldy. Jeńis jai ǵana marapat emes, bul eń áýeli sizderdiń ónimderińizdiń joǵary sapasyna berilgen baǵa. Sizderdiń taýarlaryńyzdy almatylyqtar ǵana emes, elimizdiń seriktesteri de tańdaidy. Sizder ulttyq kezeńde qalamyzdy namysyn laiyqty qorǵaisyzdar dep senemin. Almaty eldegi kásipkerlik damýynyń naǵyz ortalyǵy, árqaisyńyz "Qazaqstanda jasalǵan" brendine úles qosyp otyrsyzdar», – dedi Darhan Satybaldy.
Baiqaýdyń jeńimpazdary:
🔹 Óndiristik maqsattaǵy úzdik taýarlar: «KazMedAspap» JShS, «QAZAQ TIGIN FABRIKASY» JShS, «IT&M» JShS
🔹 Halyq tutynatyn úzdik taýarlar: «KSC-PLAST» JShS, «PAPIRONE» JShS, «Aigul Line» JShS
🔹 Úzdik azyq-túlik taýarlary: «BIJAN et óńdeý zaýyty» JShS, «Jigalma» JShS, «GOJI» JShS
🔹 Arnaiy nominatsiia «Sala kóshbasshysy – qalanyń seriktesi»: «Mega beton pliýs» JShS, «Qazlegprom-Almaty» JShS, «Astana Motors» kompaniialar toby, «MARCHALL» JShS, «Ai-Hanym» JK (Qulpynai), «Le Porte M» JShS, «Xfinity Solutions» JShS, «Qazaqstandyq qubyr júieleri» JShS, «TELLI ONDIRIS» JShS, «TEPLOSTIL» JShS, «BLS GROUP» JShS, «City Stone» JShS, «Lemonadoff Food» JShS, «KNG.PRO» JShS.
Óńirlik kezeńniń jeńimpazdary respýblikalyq finalda baq synap, «Qazaqstannyń úzdik taýary» ataǵyna úmitker atanady. Is-shara barysynda ónimder kórmesi, kontserttik baǵdarlama men marapattaý rásimi ótti.
Sonymen birge «Bir aýyl – bir ónim» jobasy aiasynda almatylyq óndirýshilerdiń jármeńkesi uiymdastyryldy. Onda 40-qa jýyq shaǵyn jáne orta biznes ókili men jeke kásipker ónimderin usyndy. Jármeńke qorytyndy boiynsha 10 úzdik óndirýshi anyqtalyp, olar óńirlik Brend komitetiniń irikteý kezeńine joldama aldy.
