Almatyda qamaýda otyrǵan otbasylyq janjal shyǵarýshylarǵa psihologiialyq trening ótkizildi,- dep habarlaidy Dalanews.kz
Ishki ister ministriniń 2025 jyldy "Profilaktika jyly" dep jariialaýyna orai, Almaty qalalyq ákimshilik politsiia qyzmetkerleri Jetisý aýdandyq politsiia basqarmasymen birlesip, ákimshilik qamaýǵa alynǵandar úshin arnaiy qabyldaý ornynda profilaktikalyq is-shara uiymdastyrdy.
Sot sheshimimen ákimshilik qamaýǵa alynǵan azamattardyń arasynda otbasylyq-turmystyq quqyqbuzýshylyqtar men buzaqylyq áreketter úshin jazalanǵandar da bar. Osy azamattarmen qoǵamdyq qordyń psihology kezdesý ótkizip, jedel psihologiialyq trening júrgizdi.
Trening barysynda ol otbasylyq qundylyqtardyń mańyzyna toqtalyp, balalardyń qaýipsiz ári tynysh ortada tárbielenýi qajettigin atap ótti. Sebebi bala kóbine ata-anasynyń minez-qulqyn úlgi etedi.
— Biz tek jazalaýmen shektelmeimiz. Qaitalanatyn quqyqbuzýshylyqtardyń aldyn alý mańyzdy. Osyndai kezdesýler arqyly biz otbasyn — ózara qurmet, túsinistik pen jaýapkershilikke negizdelgen orta ekenin jetkizgimiz keledi. Tek sonda ǵana otbasylyq-turmystyq zorlyq-zombylyq deńgeiin tómendetip, balalardyń qaýipsizdigin qamtamasyz ete alamyz, — dedi Almaty qalalyq PD ákimshilik politsiia basqarmasynyń bastyǵy Ashat Qulbaev.
