الماتىدا قاماۋدا وتىرعان وتباسىلىق جانجال شىعارۋشىلارعا پسيحولوگييالىق ترەنينگ ٶتكٸزٸلدٸ,- دەپ حابارلايدى Dalanews.kz
ٸشكٸ ٸستەر مينيسترٸنٸڭ 2025 جىلدى "پروفيلاكتيكا جىلى" دەپ جارييالاۋىنا وراي, الماتى قالالىق ەكٸمشٸلٸك پوليتسييا قىزمەتكەرلەرٸ جەتٸسۋ اۋداندىق پوليتسييا باسقارماسىمەن بٸرلەسٸپ, ەكٸمشٸلٸك قاماۋعا الىنعاندار ٷشٸن ارنايى قابىلداۋ ورنىندا پروفيلاكتيكالىق ٸس-شارا ۇيىمداستىردى.
سوت شەشٸمٸمەن ەكٸمشٸلٸك قاماۋعا الىنعان ازاماتتاردىڭ اراسىندا وتباسىلىق-تۇرمىستىق قۇقىقبۇزۋشىلىقتار مەن بۇزاقىلىق ەرەكەتتەر ٷشٸن جازالانعاندار دا بار. وسى ازاماتتارمەن قوعامدىق قوردىڭ پسيحولوگى كەزدەسۋ ٶتكٸزٸپ, جەدەل پسيحولوگييالىق ترەنينگ جٷرگٸزدٸ.
ترەنينگ بارىسىندا ول وتباسىلىق قۇندىلىقتاردىڭ ماڭىزىنا توقتالىپ, بالالاردىڭ قاۋٸپسٸز ەرٸ تىنىش ورتادا تەربيەلەنۋٸ قاجەتتٸگٸن اتاپ ٶتتٸ. سەبەبٸ بالا كٶبٸنە اتا-اناسىنىڭ مٸنەز-قۇلقىن ٷلگٸ ەتەدٸ.
— بٸز تەك جازالاۋمەن شەكتەلمەيمٸز. قايتالاناتىن قۇقىقبۇزۋشىلىقتاردىڭ الدىن الۋ ماڭىزدى. وسىنداي كەزدەسۋلەر ارقىلى بٸز وتباسىن — ٶزارا قۇرمەت, تٷسٸنٸستٸك پەن جاۋاپكەرشٸلٸككە نەگٸزدەلگەن ورتا ەكەنٸن جەتكٸزگٸمٸز كەلەدٸ. تەك سوندا عانا وتباسىلىق-تۇرمىستىق زورلىق-زومبىلىق دەڭگەيٸن تٶمەندەتٸپ, بالالاردىڭ قاۋٸپسٸزدٸگٸن قامتاماسىز ەتە الامىز, — دەدٸ الماتى قالالىق پد ەكٸمشٸلٸك پوليتسييا باسقارماسىنىڭ باستىعى اسحات قۇلباەۆ.
