Almaty qalasynda polıseıler "Qarasora" jedel aldyn alý is-sharasy aıasynda psıhotroptyq zattardy zańsyz saqtady degen kúdikke ilingen azamatty ustady,- dep habarlaıdy Dalanews.kz
Kólikti tekserý barysynda untaq tárizdi zat salynǵan 46 baılam tabyldy jáne tárkilendi. Saraptama nátıjesine sáıkes, tárkilengen zat jalpy salmaǵy 369 gramnan asatyn mefedron bolyp shyqty.
Atalǵan derek boıynsha Medeý aýdandyq polısıa basqarmasy qylmystyq is qozǵady. Kúdikti ustalyp, ýaqytsha ustaý ızolátoryna qamaldy.
- Tárkilengen zat – asa qaýipti psıhotroptyq zat. Onyń taralýy jastardyń densaýlyǵyna jáne qoǵam qaýipsizdigine eleýli zıan keltiredi. Aıta ketý kerek, Almatyda polısıa esirtkiniń zańsyz aınalym arnalaryn anyqtaý jáne jolyn kesý boıynsha júıeli jumystardy jalǵastyrýda, – dedi Almaty qalasy PD esirtki qylmysyna qarsy kúres basqarmasynyń bastyǵy Murat Jumabaev.
