الماتى قالاسىندا پوليسەيلەر "قاراسورا" جەدەل الدىن الۋ ءىس-شاراسى اياسىندا پسيحوتروپتىق زاتتاردى زاڭسىز ساقتادى دەگەن كۇدىككە ىلىنگەن ازاماتتى ۇستادى،- دەپ حابارلايدى Dalanews.kz
كولىكتى تەكسەرۋ بارىسىندا ۇنتاق ءتارىزدى زات سالىنعان 46 بايلام تابىلدى جانە تاركىلەندى. ساراپتاما ناتيجەسىنە سايكەس، تاركىلەنگەن زات جالپى سالماعى 369 گرامنان اساتىن مەفەدرون بولىپ شىقتى.
اتالعان دەرەك بويىنشا مەدەۋ اۋداندىق پوليسيا باسقارماسى قىلمىستىق ءىس قوزعادى. كۇدىكتى ۇستالىپ، ۋاقىتشا ۇستاۋ يزولياتورىنا قامالدى.
- تاركىلەنگەن زات – اسا ءقاۋىپتى پسيحوتروپتىق زات. ونىڭ تارالۋى جاستاردىڭ دەنساۋلىعىنا جانە قوعام قاۋىپسىزدىگىنە ەلەۋلى زيان كەلتىرەدى. ايتا كەتۋ كەرەك، الماتىدا پوليسيا ەسىرتكىنىڭ زاڭسىز اينالىم ارنالارىن انىقتاۋ جانە جولىن كەسۋ بويىنشا جۇيەلى جۇمىستاردى جالعاستىرۋدا، – دەدى الماتى قالاسى پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.
