Almatyda oiyn alańynda balany tepken er adam ustaldy, dep habarlaidy Dalanews.kz.
Almaty Politsiia departamenti jaǵdaiǵa pikir bildirdi.
"Áleýmettik jelilerde er adamnyń turǵyn úi kesheni aýlasynda balaǵa qol kótergen sáti beinelengen video keńinen tarap jatyr. Bul derek boiynsha Alataý aýdandyq politsiia basqarmasy qylmystyq is qozǵady", - dedi Politsiia departamentiniń baspasóz qyzmeti ókili.
Kúdikti jedel túrde anyqtalyp, ustalǵan. Ol ýaqytsha ustaý izoliatoryna qamaýǵa alyndy.
"Qazir oqiǵanyń barlyq mán-jaiy anyqtalyp jatyr. Tergeý barysy Politsiia departamenti basshylyǵynyń baqylaýynda", - dedi IIM ókili.
Eske salaiyq, buǵan deiin oqiǵanyń mán-jaiyn jazǵan edik. Oqiǵa Alataý aýdanynda ornalasqan "Kaspii" turǵyn úi kesheniniń aýlasynda bolǵan. Bul oqiǵa jurtshylyqtyń nazaryn aýdardy. Kýágerlerdiń aitýynsha, balalar arasyndaǵy kelispeýshilikke eresek er adam osylai aralasqan.
