Almatyda metronyń jańa jelilerin salý josparlanyp otyr. Joba aıasynda qala aýmaǵyn ǵana emes, mańaıdaǵy eldi mekenderdi de qamtıtyn iri saqınaly jeli qarastyrylǵan, dep habarlaıdy Dalanews.kz.
Jaqyn ýaqytta Qalqaman stansıasy men odan ári Barlyq baǵytyna deıingi taǵy úsh stansıany iske qosý kózdelip otyr.
Sonymen qatar, bolashaqta Alataý qalasymen baılanystyratyn jeke metro jelisi salynady. Bul oblys aýmaǵynda turatyn turǵyndarǵa qoǵamdyq kólikke yńǵaıly túrde aýysyp minýge múmkindik beredi.
Jolaýshylar aǵynyn teńgerý jáne qalanyń polısentrlerin ózara baılanystyrý maqsatynda Qazaqfılm baǵytyna qaraı taǵy bir tarmaq salý josparlanǵan.
Budan bólek, áýejaı aýmaǵynda jeke metro stansıasy boı kóteredi. Bul áýe aılaǵy men qala arasyndaǵy qatynasty edáýir jeńildetpek.
Jobany iske asyrý merzimderi men naqty baǵyttary aldaǵy ýaqytta naqtylanady.
