الماتىدا مەترونىڭ جاڭا جەلىلەرىن سالۋ جوسپارلانىپ وتىر. جوبا اياسىندا قالا اۋماعىن عانا ەمەس، ماڭايداعى ەلدى مەكەندەردى دە قامتيتىن ءىرى ساقينالى جەلى قاراستىرىلعان، دەپ حابارلايدى Dalanews.kz.
جاقىن ۋاقىتتا قالقامان ستانسياسى مەن ودان ءارى بارلىق باعىتىنا دەيىنگى تاعى ءۇش ستانسيانى ىسكە قوسۋ كوزدەلىپ وتىر.
سونىمەن قاتار، بولاشاقتا الاتاۋ قالاسىمەن بايلانىستىراتىن جەكە مەترو جەلىسى سالىنادى. بۇل وبلىس اۋماعىندا تۇراتىن تۇرعىندارعا قوعامدىق كولىككە ىڭعايلى تۇردە اۋىسىپ مىنۋگە مۇمكىندىك بەرەدى.
جولاۋشىلار اعىنىن تەڭگەرۋ جانە قالانىڭ پوليسەنترلەرىن ءوزارا بايلانىستىرۋ ماقساتىندا قازاقفيلم باعىتىنا قاراي تاعى ءبىر تارماق سالۋ جوسپارلانعان.
بۇدان بولەك، اۋەجاي اۋماعىندا جەكە مەترو ستانسياسى بوي كوتەرەدى. بۇل اۋە ايلاعى مەن قالا اراسىنداعى قاتىناستى ەداۋىر جەڭىلدەتپەك.
جوبانى ىسكە اسىرۋ مەرزىمدەرى مەن ناقتى باعىتتارى الداعى ۋاقىتتا ناقتىلانادى.
