Almatyda biregei nysan – biik taýly sport kesheni "Medeýdi" jańartý jumystary bastaldy, dep habarlaidy Dalanews.kz.
Qazir daiyndyq kezeńi júrip jatyr, aldaǵy ýaqytta qurylys aimaǵy qorshalyp, negizgi jumystar bastalady. Joba aiasynda muz aidynyna arnalǵan jańa tońazytqysh júiesi ornatylady, injenerlik kommýnikatsiialar tolyq jańartylyp, keshen gazben qamtamasyz etiledi.
"Shyǵys qanattaǵy qonaq úi qazirgi nómirler qoryn saqtai otyryp, "tórt juldyz" standartyna sai qaita jobalanady. Sonymen birge, sportshylar men kelýshilerge arnalǵan zamanaýi ońaltý ortalyǵy ashylady. Onda saýna, massaj bólmeleri jáne shuǵyl ári profilaktikalyq kómek kórsetýge arnalǵan meditsinalyq bólim jumys isteidi", - dep jazylǵan ákimdik habarlamasynda.
Keshen aýmaǵynda "3D" tujyrymdamasyna negizdelgen interaktivti mýzei ekspozitsiiasy jasaqtalady. Ol zamanaýi mýltimediialyq jáne kórme jabdyqtarymen tolyq qamtylady. Batys tribýnada aýmaǵy 900 sharshy metr bolatyn kofehanalary men demalys oryndary bar keń terrasa paida bolady. Al keshen aldyndaǵy keńistikte, jer asty avtoturaǵynyń ústinde SUN-DECK atty demalys aimaǵy qurylyp, ol qala turǵyndary men qonaqtary úshin kópfýnktsionaldy qoǵamdyq alańǵa ainalady.
"Zamanaýi sporttyq jáne saýyqtyrý keshenin jasaýǵa erekshe kóńil bólingen. Burynǵy mashina zalynyń mańynda kólemi 25×15 metr, jyly sýy bar ashyq bassein salynady. Kelýshilerdiń yńǵaiy úshin tribýna men qabyldaý bólmesi, kiim aýystyratyn bólmeler jáne t.b. qyzmet kórsetý ǵimaraty qarastyrylǵan. Bul jańa bassein jyl boiy jumys istep, qala turǵyndary men týristerge taý baýraiynda taza aýada júzý múmkindigin usynady.
Keshenniń ainalasynda serýen joldary bar erekshe ekopark salý josparlanǵan. Ol jerden jasandy sarqyrama, Kishi Almaty ózeni men taýdyń ásem kórinisin tamashalaýǵa bolady. Negizgi nysandardy jáne jańa demalys aimaqtaryn bailanystyratyn shyǵys jáne batys baǵyttarda júrginshilerge arnalǵan eki kópir salynady", - dedi ákimdik ókilderi.
Sondai-aq, jergilikti klimatqa tózimdi jańa aǵashtar men butalar egilip, búkil aýmaq zamanaýi jaryqtandyrý jáne sáýlettik shamdarmen bezendiriledi. Múmkindigi shekteýli jandarǵa yńǵaily bolýy úshin eki jolaýshy jedel saty ornatylady.
Bul jumystar 2027 jyldyń 4-shi toqsanyna tolyq bitedi dep josparlanyp otyr.
