Almatyda qala ákiminiń orynbasary Almashan Smatlaevtyń tóraǵalyǵymen tótenshe jaǵdailardyń aldyn alý jáne joiý jónindegi komissiianyń otyrysy ótti, dep habarlaidy Dalanews.kz.
Jiynda halyqtyń qaýipsizdigin qamtamasyz etý jáne kúzgi-qysqy maýsymda qalanyń turaqty jumysyn saqtaý máselelerine erekshe nazar aýdaryldy.
Almashan Smatlaev ózgermeli klimat jaǵdaiynda qaýip-qaterdi ýaqytyly anyqtap, ony azaitýdyń mańyzdylyǵyn atap ótip, azamattyq qorǵaý qyzmetteri men memlekettik organdardyń ózara is-qimylynyń aiqyn bolýy qajettigin jetkizdi.
Almaty qalasy TJD bastyǵynyń ýaqytsha mindetin atqarýshy Damir Ermaǵambetov qysqy kezeńge daiyndyq, sý tasqyny men kóshkin qaýpiniń aldyn alý sharalary, shomylý maýsymynyń qorytyndylary, órt qaýipsizdigi, jalpyqalalyq seismikalyq daiyndyq, sondai-aq ýly zattar saqtalatyn nysandardaǵy qaýipsizdik máselesi týraly baiandady.
Otyrys sońynda memlekettik organdarǵa qala turǵyndaryn tabiǵi jáne tehnogendik sipattaǵy tótenshe jaǵdailardan qorǵaý sharalaryn kúsheitý jóninde naqty tapsyrma berildi.
